బీఆర్‌ఎస్‌కు బిగ్ షాక్.. బీజేపీలో చేరిన మరో కీలక నేత..!

దిశ, వెబ్‌‌డెస్క్: పార్లమెంట్ ఎన్నికల వేళ బీఆర్‌ఎస్‌కు వరుస షాక్‌లు తగులుతున్నాయి. పలువురు అగ్ర నేతలు బీఆర్‌ఎస్ పార్టీని వీడి.. కాంగ్రెస్ పార్టీ, బీజేపీలో చేరుతున్నారు. ఈ క్రమంలో గత వారం రోజుల నుంచి తాడూరి శ్రీనివాస్ కూడా బీజేపీలో చేరనున్నారని వార్తలు వినిపించాయి. తాజాగా ఆయన బీజేపీలో చేరి బీఆర్‌ఎస్‌కు షాక్ ఇచ్చాడు. ఇప్పటికే చాలా మంది బీఆర్‌ఎస్ పార్టీని వీడటంతో రీసెంట్‌గా సిద్ధిపేట ఎమ్మెల్యే హరీష్ రావు.. పార్టీని నష్టం చేసిన వారిని విడిచిపెట్టేదే లేదని ఆగ్రహం వ్యక్తం చేశారు. కాళ్లు మొక్కినా, తిరిగి పార్టీలో చేర్చుకునే ప్రసక్తే లేదని తేల్చి చెప్పారు. భూములు కబ్జా చేసిన వారు పార్టీలు మారుతున్నారని మండిపడ్డారు. ఇప్పుడు తాజాగా తాడూరి శ్రీనివాస్ కూడా బీజేపీలో చేరడంతో బీఆర్‌ఎస్‌కు బిగ్ షాక్ తగిలింది.