Big Breaking: కేసీఆర్ మిస్సింగ్.. వెలిసిన పోస్టర్లు.. సోషల్ మీడియాలో ఫోటోలు వైరల్

దిశ, డైనమిక్ బ్యూరో: కేసీఆర్ కనబడుటలేదు అనే పోస్టర్లు గోడలపై వెలిశాయి. రెండు సార్లు అధికారం ఇచ్చినా పత్తాలేని ప్రతిపక్ష నేత అని పోస్టర్లలో రాసుకొచ్చారు. ప్రస్తుతం ఈ పోస్టర్లకు సంబంధించిన వీడియోలు సోషల్ మీడియాలో చక్కర్లు కొడుతున్నాయి. గత కొద్దిరోజులుగా కురుస్తున్న వర్షాలు ప్రజల జీవితాల్లో విషాదాన్ని నింపాయి. వరదల్లో నిరాశ్రయులైన వారికి ప్రభుత్వం సహాయక చర్యలు చేపట్టింది. ఈ సహాయక చర్యలపై కొద్దిరోజులుగా అధికార ప్రతిపక్షాలు తీవ్ర విమర్శలు గుప్పించుకుంటున్నాయి.

ఈ నేపధ్యంలోనే అధికార పక్ష నేతలు ప్రజలు కష్టాల్లో ఉన్నప్పుడు ప్రతిపక్ష నేత ఉన్నారని, బాధ్యతగా వ్యవహరించాల్సిన సమయంలో కేసీఆర్ జాడే లేదని, కనీసం మీడియా ముందుకు వచ్చి సంఘీభావం ప్రకటించలేదని మండిపడుతున్నారు. దీంతో రెండు రోజులుగా "వేర్ ఈజ్ కేసీఆర్" అనే అంశం రాజకీయవర్గాల్లో తీవ్ర చర్చనీయాంశంగా మారింది. ఈ క్రమంలో కేసీఆర్ మిస్సింగ్ అనే పోస్టర్లు గోడలపై వెలిశాయి. రెండు సార్లు అధికారం ఇచ్చినా... ప్రజలు వరదల్లో ఇబ్బందులు పడుతుంటే పత్తాలేని ప్రతిపక్ష నేత అంటూ పోస్టర్లలో రాసుకొచ్చారు. పలు చోట్ల వీధి గోడలపై ఈ పోస్టర్లు అంటించిన వీడియోలు నెట్టంట వైరల్ గా మారాయి. కేసీఆర్ కనబడుటలేదు అనే పోస్టర్లు రాష్ట్రంలో అనేక ప్రాంతాల్లో వెలిశాయన కొందరు పోస్టులు పెడుతున్నారు. దీనిపై బీఆర్ఎస్ నేతలు ఏ విధంగా స్పందిస్తారో చూడాలి.