నేడు హైదరాబాద్‌కు బండి సంజయ్.. బీజేపీ సిటీ కార్యాలయంలో కిషన్ రెడ్డితో భేటీ

దిశ, తెలంగాణ బ్యూరో : కరీంనగర్ ఎంపీ బండి సంజయ్ ఢిల్లీ నుంచి హైదరాబాద్ కు రానున్నారు. పార్టీ ప్రెసిడెంట్ పోస్ట్ కు రాజీనామా చేసిన అనంతరం తొలిసారి ఆయన ఇక్కడకు వస్తున్నారు. మధ్యాహ్నం 2:30 గంటలకు శంషాబాద్ కు ఆయన చేరుకుంటారు. బండికి ఆయన అభిమానులు స్వాగతం పలకనున్నారు. అక్కడి నుంచి నేరుగా బర్కత్ పురలోని బీజేపీ సిటీ కార్యాలయానికి ఆయన రానున్నారు. బీజేపీ రాష్ట్ర అధ్యక్షుడిగా నియామకమైన కేంద్ర మంత్రి కిషన్ రెడ్డిని ఆయన శుభాకాంక్షలు తెలపనున్నారు. ఆపై ఈనెల 8వ తేదీన వరంగల్‌లో ప్రధాని మోడీ సభ ఏర్పాట్లపై జరగనున్న సన్నాహక సమావేశంలో బండి పాల్గొంటారు.