విద్యార్ధులకు అలర్ట్!.. పాలీసెట్ పరీక్ష వాయిదా

దిశ, డైనమిక్ బ్యూరో: లోక్ సభ ఎన్నికల షెడ్యూల్ కారణంగా తెలంగాణలో జరగబోయే పాలీసెట్ పరీక్షను రాష్ట్ర సాంకేతిక విద్యా మరియు శిక్షణా మండలి వాయిదా వేస్తూ ప్రకటన విడుదల చేసింది. రాష్ట్ర వ్యాప్తంగా మే 17వ తేదీన పాలిటెక్నిక్ కామన్ ఎంట్రన్స్ టెస్ట్ జరగాల్సి ఉండగా.. అదే సమయంలో లోక్ సభ ఎన్నికలు జరగనున్న నేపధ్యంలో పరీక్షను వాయిదా వేశారు. పాలిటెక్నిక్ పరీక్షను మే 24 వ తేదీకి వాయిదా వేస్తున్నట్లు రాష్ట్ర సాంకేతిక విద్యా మరియు శిక్షణా మండలి కార్యదర్శి ఎ.పుల్లయ్య ఒక ప్రకటన ద్వారా తెలియజేశారు.