Accident : ఆటో, ద్విచక్ర వాహనం ఢీ.. ఒకరు మృతి.. మరొకరికి గాయాలు..

దిశ, ఆదిలాబాద్ : ఆదిలాబాద్ రూరల్ పోలీస్ స్టేషన్ పరిధిలోని బంగారు గూడా కాలనీలో ఆటో, ద్విచక్ర వాహనం ఎదురెదురుగా ఢీకొన్న ప్రమాదంలో ఒక మహిళ మృతి చెందగా, మరో యువకునికి గాయాలయ్యాయి. స్థానికులు తెలిపిన వివరాల ప్రకారం బంగారు గూడ నుంచి ఆదిలాబాద్ వైపు వస్తున్న ఆటోను ఆదిలాబాద్ నుంచి బంగారు గూడకు వెళ్తున్న... ద్విచక్ర వాహనం ఢీ కొన్నాయని తెలిపారు. ఈ ప్రమాదంలో బంగారు గూడా కాలనీకి చెందిన గౌరవాయి అనే మహిళ తీవ్ర గాయాల పాలై అక్కడికక్కడే మృతి చెందిందని వెల్లడించారు.

ఈమెతో పాటు ద్విచక్ర వాహనం పై ఉన్న యువకుడికి తీవ్ర గాయాలు కాగా వెంటనే స్థానికుల సహాయంతో రిమ్స్ ఆసుపత్రికి చికిత్స నిమిత్తం తరలించినట్లు తెలియజేశారు. అయితే ఈ విషయం తెలుసుకున్న రూరల్ పోలీసులు సంఘటనా స్థలానికి చేరుకొని మృతదేహాన్ని పరిశీలించి, రిమ్స్ ఆసుపత్రిలోని మార్చురికి తరలించారు. అనంతరం ప్రమాదానికి సంబంధించిన పూర్తి విషయాలు ఇంకా తెలియాల్సి ఉంది. కాగా పోలీసులు కేసు నమోదు చేసుకొని దర్యాప్తు చేస్తామని వెల్లడించారు.