మూడోసారి మోదీ ప్రధాని కావడం ఖాయం..!

దిశ, భైంసా: ముచ్చటగా మూడోసారి మోదీ ప్రధానమంత్రి కావడం ఖాయమని ఎమ్మెల్యే పవర్ రామారావు పటేల్ అన్నారు. సోమవారం పట్టణంలోని స్థానిక ఎస్ఎస్ జిన్నింగ్ ఫ్యాక్టరీలో లాబార్థి సంపర్క్ అభియాన్ కార్యక్రమంలో అసెంబ్లీ స్థాయి వర్క్ షాప్ కార్యక్రమానికి హాజరై మాట్లాడారు. లబ్దిదారులను కలుస్తూ సంక్షేమ పథకాలను వివరించాల్సిన బాధ్యత ప్రతి కార్యకర్త పై ఉందన్నారు. తెలంగాణ రాష్ట్రంలో 17 పార్లమెంటు స్థానాలను గెలుస్తామని ధీమా వ్యక్తం చేశారు. అసెంబ్లీ ఎన్నికల్లో లక్ష ఓట్లు బీజేపీకి కట్టబెట్టారని, పార్లమెంట్ ఎన్నికల్లో బీజేపీకి లక్షన్నర ఓట్లు తేవడం లక్ష్యంగా పని చేయాలన్నారు. అనంతరం మండల కమిటీలుగా ఎన్నికైన బాధ్యులను సన్మానించారు. ఈ కార్యక్రమంలో లాబార్థి సంపర్క్ అభియాన్ పార్లమెంట్ కో కన్వీనర్ గాలి రవి, మాజీ మున్సిపల్ చైర్మన్ బి. గంగాధర్, నాయకులు సోలంకి భీమ్ రావు, సౌన్లి రమేష్, కిసాన్ మోర్చా జిల్లా అధ్యక్షులు ముత్యంరెడ్డి, మండల అధ్యక్షుడు, తదితరులు పాల్గొన్నారు.