పులి దాడిలో ఆవుదూడ మృతి

దిశ, వాంకిడి : మండలంలోని మహారాష్ట్ర సరిహద్దు గ్రామాలైన సోనాపూర్. కోస్టారా శివారులోని అటవీప్రాంతంలో గురువారం వేకువజామున పులిదాడి చేసి ఆవు దూడను హతమార్చినట్లు స్థానిక గ్రామ ప్రజలు తెలిపారు. గత ఆదివారం దాబా అటవీ ప్రాంతంలో పశువుల మందపై దాడి చేసి ఐదు పశువులను గాయపరిచిన ఈ పులి గోయగాం అటవీ ప్రాంతంలో సంచరి స్తున్నట్లు గుర్తించి స్థానిక అటవీశాఖ అధికారులు మహారాష్ట్ర అటవీ శాఖ అధికారులతో కలిసి పులిని ట్రాకింగ్ చేస్తున్నారు. ఈక్రమంలో గురువారం మహారాష్ట్రలోని కోస్టారా కు చెందిన ఓ రైతు ఆవుదూడపై దాడిచేసి హతమార్చింది. దీంతో పరిసర గ్రామాల ప్రజలు, రైతులు వ్యవసాయ పనులకు వెళ్లేందుకు జంకుతున్నారు.