హామీలను వెంటనే అమలు పరచాలి..!

దిశ, కుబీర్ : ఎన్నికల సమయంలో ప్రభుత్వం ఇచ్చిన హామీలను వెంటనే అమలుపరచాలని ఎమ్మెల్యే పవర్ రామారావు పటేల్ డిమాండ్ చేశారు. కుబీర్ మండల కేంద్రంలోని తహసీల్దార్ కార్యాలయంలో ఆదివారం కల్యాణ లక్ష్మి, షాదీ ముబారక్ చెక్కులను ఎమ్మెల్యే పవర్ రామారావు పటేల్ స్థానిక ప్రతినిధులతో కలిసి చెక్కులను పంపిణీ చేశారు.135 చెక్కులను ఆయా గ్రామాలకు చెందిన లబ్ధిదారులకు పంపిణీ చేశారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ… ఎన్నికల సమయంలో ప్రభుత్వం ఇచ్చిన రెండు లక్షల రైతు ఋణ మాఫీని ఏకకాలంలో మాఫీ చేయాలన్నారు. ప్రభుత్వం ఒక పార్టీ, ఎమ్మెల్యే మరో పార్టీ అభివృద్ధి ఏం జరుగుతుందని అనుకుంటున్నారు. చెక్కుల పంపిణీ కార్యక్రమంలో తహసీల్దార్ సోము, రాష్ట్ర మార్కెట్ డైరెక్టర్ పీఎసీఎస్ చైర్మన్ రేకుల గంగాచరణ్ నాయకులు రమేష్, బోయిడి విట్టల్, కనకయ్య, గణపతి, ఆయా గ్రామాల సర్పంచులు ఎంపీటీసీలు ప్రజాపతిని, బీజేపీ కార్యకర్తలు, తదితరులు పాల్గొన్నారు.