చిరుత పులి దాడిలో మూడు గోర్లు, ఒక మేక మృతి..

దిశ, బోథ్ : మండలంలోని బాబేర తండా గ్రామానికి చెందిన అవునూరి రమేష్ కు చెందిన మేకల మందపై ఈరోజు ఉదయం 3 గంటల ప్రాంతంలో చిరుత పులి దాడి చేసింది. మూడు గొర్రెలు, ఒక మేకను దాడి చేసి చంపి వేశాయని గ్రామస్తులు తెలిపారు. కానీ ఇక్కడి చుట్టుపక్కల గ్రామాలు కొన్ని రోజుల క్రితం నుండి చిరుత పులి, అడవి కుక్కలు తిరుగుతున్నాయి అన్న సమాచారం ఉండడంతో మేకల మందపై కూడా చిరుత పులి దాడి చేసి తిన్నది అని పలువురు సోషల్ మీడియాలో పెట్టడంతో అక్కడి గ్రామాల ప్రజలు తీవ్ర భయాందోళనకు గురవుతున్నారు. ఈ విషయమై అటవీశాఖ అధికారి ప్రణయ్ ను వివరణ కోరగా మేకల మందపై చిరుత పులి దాడి చేసిందా, అడవి కుక్కలు దాడి చేశాయా అని నిర్ధారించవలసి ఉన్నది అని తెలిపారు.