108 లో ప్రసవం... తల్లి బిడ్డ క్షేమం

దిశ, తాండూర్ : 108 వాహనంలో గర్భిణీ ప్రసవించి ఆడబిడ్డకు జన్మనిచ్చింది. కుమురం భీం జిల్లా తిర్యాని మండలం చోపిడి గ్రామానికి చెందిన ఆత్రం భీమాబాయి కి శుక్రవారం ఉదయం పురిటి నొప్పులు మొదలయ్యాయి. కుటుంబ సభ్యులు వెంటనే 108కి సమాచారం అందించారు. గ్రామానికి 108 వాహన సిబ్బంది వెళ్లి పురిటి నొప్పులతో బాధపడుతున్న తల్లిని వాహనంలో బెల్లంపల్లి ప్రభుత్వ ఆసుపత్రికి తరలిస్తుండగా మార్గ మధ్యలో తాండూరు మండలం బోయపల్లి గ్రామం వద్ద ఆడబిడ్డను ప్రసవించింది. 108 ఈఎంటీ ఎంతో చాకచక్యంగా వ్యవహరించి సుఖ ప్రసవం చేశారు. అనంతరం తల్లి బిడ్డను బెల్లంపల్లి ప్రభుత్వ ఆసుపత్రికి తరలించారు. వాహనంలో ప్రసవం చేసి తల్లిని బిడ్డను కాపాడిన రెబ్బెన 108 వాహనం ఈఎంటి పరశురాం, పైలెట్ సంతోష్ కు మహిళ కుటుంబ సభ్యులు కృతజ్ఞతలు తెలిపారు.