26న బాడీ బిల్డింగ్ పోటీలు..

దిశ, బెల్లంపల్లి : మంచిరాల జిల్లా బెల్లంపల్లిలో స్కై జిమ్ ఆధ్వర్యంలో ఈనెల 26న తెలంగాణ స్థాయి బాడీ బిల్డింగ్ పోటీల పోస్టర్ ను బెల్లంపల్లి వన్ టౌన్ ఎస్హెచ్ఓ ముస్కరాజు ఆవిష్కరించారు. బెల్లంపల్లి ఎఎంసీ గ్రౌండ్స్ లో నిర్వహించనున్న తెలంగాణా బాడీ బిల్డింగ్ పోటీలకు (మిస్టర్ ఐరన్ మ్యాన్-2023) సంబందించిన వాల్ పోస్టర్ లను ఆదివారం వన్ టౌన్ పోలీస్ స్టేషన్లో ఏర్పాటు చేసిన కార్యక్రమంలో ఎస్హెచ్ఓ రాజు ఆవిష్కరించారు. ఈ సందర్బంగా ఆయన మాట్లాడుతూ రాష్ట్రస్థాయి మిస్టర్ ఐరన్ మ్యాన్ టైటిల్ తో పాటు మిస్టర్ ఆదిలాబాద్ జిల్లా టైటిల్ పోటీలు జరుగుతాయని తెలిపారు.

మిస్టర్ ఐరన్ మ్యాన్ కు రూ.50 వేలు, మిస్టర్ ఆదిలాబాదుకు రూ.15 వేలు అందజేయడంతో పాటు మొదటి గోల్డుకు రూ.5 వేలు, రెండవ సిల్వర్ కు రూ.4 వేలు, మూడవ బ్రాంజ్ కు రూ.3 వేల రూపాయలను అందజేయనున్నట్లు వారు తెలిపారు. ఈ కార్యక్రమంలో ఎస్సై ఎం. సంతోష్, మంచిర్యాల జిల్లా బాడీ బిల్డింగ్ అసోసియేషన్ కార్యదర్శి గడప రాకేష్, బెల్లంపల్లి కార్యదర్శి పన్నాల సదానందం, జిల్లా క్యారమ్ అసోసియేషన్ కార్యదర్శి టి. రాజన్న, మాజీ మున్సిపల్ కౌన్సిలర్ రేవెళ్ళి విజయ్ కుమార్, స్కై జిమ్ నిర్వాహకులు సిర్ర బాలకృష్ణ, జంబోజు చంద్ర శేఖర్, సీనియర్ క్రీడాకారులు కొడిపెల్లి గిరిప్రసాద్, ఉస్మాన్, మొబిన్, కృష్ణ స్వామి, గుండం లక్ష్మన్, ఆకుల భూమేష్ తదితరులు పాల్గొన్నారు.