ధైర్యంగా ఉండండి.. అండగా ఉంటాం...

దిశ, బాసర : ధైర్యంగా ఉండండి.. అండగా ఉంటాం...అని అడిషనల్ కలెక్టర్ పైజాన్ అహ్మద్ హామీ ఇచ్చారు. ఆర్జీయూకేటీ బాసర స్టూడెంట్ వెల్ఫేర్ డిపార్ట్మెంట్, నిర్మల్ జిల్లా చైల్డ్ వెల్ఫేర్ డిపార్ట్మెంట్ సంయుక్త ఆధ్వర్యంలో బుధవారం బాసర ట్రిపుల్ ఐటీ లో అవగాహన కార్యక్రమం నిర్వహించారు. ఈ కార్యక్రమంలో వైస్ ఛాన్స్​లర్ ప్రొఫెసర్ గోవర్ధన్, అడిషనల్ కలెక్టర్ పైజాన్ అహ్మద్ పాల్గొని ప్రసంగించారు. విద్యార్థులు ధైర్యంగా ఉండాలని, సమస్యలు పరిష్కరించడానికి అధికారులంతా అండగా ఉంటామని తెలిపారు.

     ప్రతి సమస్యకు పరిష్కారం ఉంటుందని, విజయాన్ని అందుకునే సమయంలో అనేక సవాళ్లు ఎదురవుతాయని, వాటిని అధిగమించేందుకు అనేక మార్గాలు ఉంటాయని తమ స్వీయ జీవితానుభవాలను తెలిపారు. ఉలి దెబ్బలు తట్టుకుంటేనే రాయి శిల్పంగా మారినట్టు జీవితంలో వచ్చే ఒడిదొడుగులను తట్టుకుంటే ఉన్నత విద్య, ఉద్యోగ, ఉపాధి అవకాశాలు మెండుగా ఉంటాయని తెలిపారు. ఈ కార్యక్రమంలో అడ్మినిస్ట్రేటివ్ ఆఫీసర్ రణధీర్ సాగి, అసోసియేట్ స్టూడెంట్ వెల్ఫేర్ డాక్టర్ నాగరాజు, డాక్టర్ పావని, నిర్మల్ జిల్లా చైల్డ్ వెల్ఫేర్ డిపార్ట్మెంట్ అధికారులు, ఉద్యోగులు, విద్యార్థులు పాల్గొన్నారు.