కోదాడలో వరదలో కొట్టుకుపోయిన కారు.. పలువురు గల్లంతు

దిశ, వెబ్ డెస్క్ : సూర్యాపేట జిల్లాలో భారీ వర్షాలు కురుస్తున్నాయి. జిల్లాలోని కోదాడలో కురుస్తున్న వర్షాల కారణంగా వాగులు ఉప్పొంగి ప్రవహిస్తున్నాయి. పట్టణంలోని ఓ ప్రైవేట్ స్కూల్ సమీపంలోని వాగు ఉద్ధృతికి ఒక కారు, రెండు ఆటోలు కొట్టుకుపోయాయి. పోలీసులు గాలింపు చర్యలు చేపట్టగా కారులో ఒక వ్యక్తి మృతదేశం లభించింది. కారులో మరో ఇద్దరు గల్లంతైనట్టు పోలీసులు తెలిపారు. అలాగే శనివారం రాత్రి వెంకటేశ్వర్లు అనే ఉపాధ్యాయుడు వరద ప్రవాహంలో బైక్ తో సహ కొట్టుకు పోగా, సోమవారం మధ్యాహ్నం మృతదేహం లభ్యమైంది. కాగా పట్టణంలోని రోడ్లన్నీ వాగులని తలపిస్తున్నాయి. అత్యవసరం అయితేనే బయటికి రావాలని రెవెన్యూ అధికారులు, పోలీసులు సూచించారు.