BSNL 5G Launch: మాతో పెట్టుకోవద్దు.. BSNL మాస్‌.. 5జీ స్పీడ్‌తో సేవలు స్టార్ట్

దిశ, వెబ్ డెస్క్ : BSNL 5G Launch: ప్రభుత్వ టెలికాం సంస్థ అయిన బీఎస్ఎన్ఎల్ సంస్థ తన యూజర్లకు గుడ్ న్యూస్ చెప్పింది. పోటీ కంపెనీలను ఢీ కొట్టేందుకు కేవలం రోజుల వ్యవధిలోనే 5జీ సర్వీసులను అందుబాటులోకి తీసుకురానుంది. ఆ తేదీ, ఇతర వివరాలు తెలుసుకుందాం.

పోటీ కంపెనీలన్నీ 5జీ సర్వీసులు దూసుకుపోతుంటే..బీఎస్ఎన్ఎల్ మాత్రం ప్రస్తుతం 4జీ సర్వీసులను అందిస్తోంది. అయితే ప్రైవేట్ నెట్ వర్క్ కంపెనీలు కూడా కేవలం కొన్ని నగరాల్లో మాత్రమే 5జీ సర్వీసులను అందిస్తున్నాయి. ఈ నేపథ్యంలోనే వాటికి పోటీనిస్తూ 4జీ సర్వీులు పూర్తి చేసిన వెంటనే 5జీ సర్వీసులను ప్రారంభించాలని బీఎస్ఎన్ఎల్ ఆలోచిస్తోంది.

బీఎస్ఎన్ఎల్ ఇప్పుడు 4జీ నెట్ వర్క్ ను బలోపేతం చేసేందుకు దేశవ్యాప్తంగా మొబైల్ టవర్లను ఏర్పాటు చేస్తోంది. ఇప్పటికే 75వేల కొత్త 4జీ టవర్లు పనిచేస్తున్నాయి. ఒకటి రెండు నెలల్లో ఇంకో 100,000 4జీ టవర్లు అందుబాటులోకి వస్తాయని సంస్థ వెల్లడించింది. దీని వల్ల బీఎస్ఎన్ఎల్ 5జీ సర్వీసును మొదలుపెట్టడానికి దారి ఏర్పడుతుంది.

బీఎస్ఎన్ఎల్ కోసం ఏర్పాటు చేసిన 100,000 4జీ టవర్లు 2025మే నాటికి అందుబాటులోకి వస్తాయని కేంద్ర సమాచార శాఖ మంత్రి జ్యోతిరాదిత్య సింధియా ఈమధ్యే ప్రకటించారు. ఆ తర్వాత 4జీ నుంచి 5జీకి మారడం జూన్ లో మొదలువుతుందని తెలిపారు. టెలికాశాఖ ఈ విషయాన్ని ఎక్స్ ద్వారా తెలిపింది. బీఎస్ఎన్ఎల్ ను బలోపేతం చేసేందుకు గత ఏడాది కేంద్ర ప్రభుత్వం రూ. 80వేల కోట్లు ఇచ్చింది. ఈ డబ్బుతో బీఎస్ఎన్ఎల్ నెట్ వర్క్ ను స్ట్రాంగ్ చేస్తున్నారు. 4జీ, 5జీ కోసం నెట్ వర్క్ ను మెరుగుపరిచి 3జీ సర్వీసులను నిలిపి వేస్తున్నారు. ఇప్పుడు బీఎస్ఎన్ఎల్ 4జీ సర్వీసులు కూడా దేశంలో అన్ని ప్రాంతాల్లో లభిస్తున్నాయి.

మరిన్ని టవర్లు పెట్టి 4జీని పెంచేందుకు బీఎస్ఎన్ఎల్ కంపనీ ప్రయత్నాలు చేస్తోంది. నెట్ వర్క్ బాగుంటే ప్రైవేట్ టెలికాం యూజర్లు కూడా బీఎస్ఎన్ఎల్ కి మారుతారు. గత జులైలో ప్రైవేట్ కంపెనీలు రీఛార్జ్ ధరలు పెంచడంతో చాలా మంది బీఎస్ఎన్ఎల్ కు మారారు. గత ఏడాది జులై, సెప్టెంబర్ నెలల్లో లక్షల మంది ఒక్కసారిగా బీఎస్ఎన్ఎల్ కు మారారు. బీఎస్ఎన్ఎల్ రీఛార్జ్ ప్లాన్స్ ప్రైవేట్ కంపెనీల కంటే తక్కువ ధరలో ఉంటాయి. ఇప్పట్లో రీఛార్జ్ ధరలు పెంచే ఆలోచనలో బీఎస్ఎన్ఎల్ లేదు. 4జీ నెట్ వర్క్ తెచ్చి 5జీ సేవలు తెస్తే బీఎస్ఎన్ఎల్ కు ఎక్కువ మంది వస్తారు.