మానవుల చిరునవ్వుకు రిటర్న్ స్మైల్ ఇస్తున్న రోబో.. చూస్తుంటే ఎంత ముచ్చటగా ఉందో..

దిశ, ఫీచర్స్ : ఒక వ్యక్తి ముఖ కవళికలకు అతని వ్యక్తిత్వానికి చాలా ప్రాముఖ్యత ఉంటుంది. ఎదుటి వ్యక్తి మీ బాడీ లాంగ్వేజ్, ముఖ కవళికలను చూసి మీ గురించి ఒక అభిప్రాయాన్ని ఏర్పరుచుకుంటారు. ఒక వ్యక్తి మీతో మాట్లాడుతున్నప్పటికీ వారి ముఖకవళికలకు మీ సంభాషణతో సమన్వయం కావు. అలాంటప్పుడు ఆ వ్యక్తితో మాట్లాడేందుకు ఇష్టపడరు. ఇది మనుషులకు సంబంధించిన విషయం. అయితే చాలా రోబోలకు కూడా ఇదే సమస్య తలెత్తుతుంది. రోబోట్, మానవుల మధ్య సంభాషణ సమయంలో, రోబోట్‌లు సరైన సమయంలో స్పందించలేవు.

దీనివల్ల రోబోలతో మాట్లాడటం బోరింగ్‌గా ఉంటుంది. కానీ మీ చిరునవ్వు గురించి తెలుసుకునే రోబోట్ కూడా అందుబాటులోకి వచ్చింది. మనిషి ఎప్పుడు నవ్వుతాడో ముందే తెలుసుకునే ఈ రోబోను రూపొందించడంలో శాస్త్రవేత్తలు విజయం సాధించారు. ఈ రోబోను చూసి నవ్వితే చాలు అది కూడా రిటర్న్ స్మైల్ ఇస్తుంది. దాని పేరే ఇమో.

రిటర్న్ స్మైల్ ఇస్తున్న రోబోట్..

ప్రస్తుతం అందుబాటులో ఉన్న రోబోట్ తాను మాట్లాడుతున్న వ్యక్తి నవ్వబోతున్నాడని తెలుసుకున్నప్పుడు, అది కూడా నవ్వడానికి సిద్ధపడుతుంది. వ్యక్తి నవ్విన వెంటనే, ఇమో రోబోట్ ముఖం పై ప్రతిస్పందన చిరునవ్వు కనిపిస్తుంది. అయితే ఈ రోబోట్‌కు తల పై వెంట్రుకలు లేకుండా కేవలం సిలికాన్ చర్మం నీలం రంగుతో తయారు చేసి ఉపయోగించారు. ఈ రోబో బ్లూ మ్యాన్ గ్రూప్‌కి మెకానికల్ వెర్షన్ అని అనిపిస్తుంది. కానీ అది నవ్విన వెంటనే, దాని ప్రత్యేకత మీకు తెలుస్తుంది.

సైన్స్ రోబోటిక్స్‌లో ఇటీవల ప్రచురించిన ఒక అధ్యయనంలో కొలంబియా ఇంజినీరింగ్ క్రియేటివ్ మెషీన్స్ ల్యాబ్ పరిశోధకులు ఇమోకు మానవులతో సమన్వయంతో నవ్వడానికి ఎలా శిక్షణ ఇచ్చారో స్పష్టంగా వివరించారు. ఒక వ్యక్తి నవ్వడానికి 839 మిల్లీసెకన్లకు ముందు EMOకి తెలుస్తుందట. ఈ వ్యక్తి నవ్వబోతున్నాడని, ప్రతిస్పందనగా నవ్వగలడట.

ప్రస్తుతం చాలా హ్యూమనాయిడ్ రోబోలు నవ్వుతున్న వ్యక్తికి ప్రతిస్పందనగా నవ్వడం ఆలస్యం చేస్తాయి. ఎందుకంటే ఈ రోబోలు సమయానుగుణంగా ఒక వ్యక్తి ముఖాన్ని కాపీ చేయలేవు. స్కాట్లాండ్‌లోని గ్లాస్గో విశ్వవిద్యాలయంలో మానవ - రోబోట్ ఇంటరాక్షన్ పరిశోధకురాలు చానా చెన్ మొదటిసారి రోబోట్‌తో సంభాషించే చాలా మంది వ్యక్తులు ఎంత బోరింగ్‌గా ఉన్నారో చూసి నిరాశ చెందుతారు. అందువల్లే నిజ సమయంలో రోబోట్ వ్యక్తీకరణను మెరుగుపరచాలనుకున్నారు.

ఇకపోతే ముఖ కవళికల ద్వారా ఒంటరితనం సమస్యను పరిష్కరించడంలో భవిష్యత్తులో రోబోలు పెద్ద పాత్ర పోషించనున్నాయి. ఈ క్రమంలోనే కొలంబియా యూనివర్శిటీకి చెందిన రోబోటిస్ట్ యుహాంగ్ హు తన సహోద్యోగులతో ఈ ఇమోను సృష్టించారు.

ఇమో రోబోట్ పనితీరు..

రోబో కళ్లలో అమర్చిన కెమెరాలు మనుషుల బాడీ లాంగ్వేజ్‌ని అర్థం చేసుకోవడంలో సహాయపడతాయి. అతను తన మృదువైన, నీలిరంగు ముఖం క్రింద 26 యాక్యుయేటర్లను ఉపయోగించి ప్రతిస్పందిస్తాడు. ఇమోకు శిక్షణ ఇవ్వడానికి, పరిశోధకులు మొదట అతనిని కొన్ని గంటలపాటు కెమెరా ముందు ఉంచారు.

అద్దంలో చూడటం మానవులను, వారి కండరాలను ప్రభావితం చేసినట్లే, పరిశోధకులు యాదృచ్ఛికంగా మోటారు కమాండ్‌లను యాక్చుయేటర్‌ల పై అమలు చేసినప్పుడు, కెమెరాలో తనను తాను చూసుకోవడం వల్ల రోబో ముఖం అది చేసిన వ్యక్తీకరణల మధ్య ఉన్న సంబంధాన్ని తెలుసుకోవచ్చు.

దీని తర్వాత పరిశోధకులు మనుషుల ముఖకవళికల వీడియోలను ప్లే చేస్తారు. దాదాపు 800 వీడియోలను విశ్లేషించి ఏ కండర కదలికలు ఏ భావోద్వేగంతో వస్తుందో ఇమో తెలుసుకోగలిగింది.

వందలకొద్దీ వీడియోలు, వేలకొద్దీ పరీక్షల తర్వాత, రోబోట్ మనిషి ముఖంలో ఎలాంటి భావాలు పలికిస్తారో సరిగ్గా అంచనా వేయగలదు. 70 శాతం కంటే ఎక్కువ సమయం, అతను మానవుడితో సమకాలీ కరించగలడు. ఏమో మానవ ముఖాన్ని చూసి ఎక్స్ప్రెషన్ ఇవ్వగలడు. చిరునవ్వుతో పాటు, ఇమో కనుబొమ్మలను పైకి లేపడం, కనుబొమ్మలను ముడుచుకోవడం వంటి వ్యక్తీకరణలను కూడా చేయవచ్చు.

AI రోబోలకు కొత్త శక్తిని ఇస్తుంది..

రోబోట్‌కు ఇంకా వాయిస్ లేదు, కానీ ఇమోకు ChatGPT వంటి జెనరిక్ ఆర్టిఫిషియల్ ఇంటెలిజెన్స్ (AI) చాట్‌బాట్ ఫంక్షన్‌లను జోడించడం వల్ల రోబోట్ నుండి మరింత వాస్తవిక ప్రతిచర్యలు సృష్టిస్తున్నారు. Imo పదాల నుండి ముఖ కవళికలను అలాగే మానవ కండరాల కదలికలను ఊహించగలదు.

అప్పుడు రోబో మాట్లాడటం ద్వారా కూడా స్పందించగలదు. అయితే ఇమో పెదవులకు ముందుగా పని చేయాలి. ఇప్పటికే ఉన్న రోబోల నోటి కదలిక తరచుగా పెదవుల పై కాకుండా దవడ పై ఆధారపడి ఉంటుంది. రోబోటిక్స్ ల్యాబ్‌లో లేట్ నైట్ కంపెనీగా ఇమోను కలిగి ఉండటం స్వాగతిస్తున్నారని హు అభిప్రాయపడ్డారు.

మన నిత్యజీవితానికి సులువుగా అనుగుణంగా ఉండే రోబోలకు ఇవి చాలా దగ్గరగా ఉన్నాయని పరిశోధకులు భావిస్తున్నారు. ఈ రోబోలు మనకు తోడుగా ఉంటాయి. మనకు సహాయపడతాయి. రోబోతో మాట్లాడితే మనం మన స్నేహితుడితో లేదా ప్రియమైన వారితో మాట్లాడినట్లుగానే ఉంటుంది.