సముద్రంలో బయటపడ్డ టాప్ సీక్రెట్.. వామ్మో దాని వయసు 1.40 లక్షల సంవత్సరాలా..?

దిశ, ఫీచర్స్ : భూమి నుంచి సముద్రం వరకు ఎన్నో అంతుచిక్కని రహస్యాలు నిండి ఉన్నాయి. సముద్రం అపారమైన లోతులలో ఇలాంటి అనేక విషయాలు దాగి ఉంటాయని నమ్ముతారు. దీని గురించి మానవులు కూడా ఊహించలేరు. 1 లక్షా 40 వేల ఏళ్ల నాటిదని చెబుతున్న బాల్టిక్ సముద్రంలో కూడా ఇలాంటి రహస్యమే దాగి ఉంది. నిజానికి, బాల్టిక్ సముద్రం అడుగున ఒక వింత ఉంది. ఇది UFO అని గతంలో చెప్పారు. కానీ ఇప్పుడు శాస్త్రవేత్తలు నిజం కనుగొన్నారు. ఆ రహస్యమైన విషయం ఏమిటో ఇప్పుడు తెలుసుకుందాం.

స్వీడిష్ అన్వేషకులు పీటర్ లిండ్‌బర్గ్, డెన్నిస్ అస్బెర్గ్ ఉత్తర బాల్టిక్ సముద్రంలో మిలీనియం ఫాల్కన్ లాగా కనిపించే ఒక భాగాన్ని కనుగొన్నారు. వారు మొదట ఓడ శిథిలాల కోసం వెతకడం ప్రారంభించారు. అదే క్రమంలో ఈ వస్తువులను కనుగొన్నారు. అయితే ఈ వస్తువులను కొంతమంది కోణీయ మెటల్ ముక్కలతో తయారు చేశారని నమ్ముతున్నారు. కొన్ని ఏండ్ల కాలం నుంచి ఈ విషయం ప్రజలను ఆశ్చర్యపరుస్తూనే ఉంది. ఎందుకంటే అది ఎక్కడి నుంచి వచ్చిందో అది దేనికి సంబందించిందో ఎవరికీ ఖచ్చితంగా తెలియదు.

శాస్త్రవేత్తలకు అంతుచిక్కని విషయం..

డెన్నిస్ అస్బెర్గ్ స్వీడన్‌లోని ఒక టీవీ ఛానెల్‌కి ఇచ్చిన ఇంటర్వ్యూలో మాట్లాడుతూ 'ఆ విషయం చూసి వారు నిజంగా ఆశ్చర్యపోయారని తెలిపారు. వారు జియాలజిస్ట్‌లు, సముద్ర జీవశాస్త్రవేత్తలను సంప్రదించారని తెలిపారు. జీవశాస్త్రవేత్తలు కూడా ఇలాంటి దాన్ని ఎప్పుడూ చూడలేదని వారు చెప్పారట. దీంతో వారు ఆలోచనలో పడినట్లు తెలిపారు.

UFOగా రహస్య నిర్మాణం..

పెద్దరాయిలా కనిపించే ఈ మర్మమైన నిర్మాణం పై ఎన్నో ఊహాగానాలు వచ్చాయి. కొందరు వ్యక్తులు ఇవి కోల్పోయిన అట్లాంటా నగరం అవశేషాలు కావచ్చని ఊహించారు. మరికొందరు ఇవి క్రాష్ అయిన UFO అవశేషాలు కావచ్చని చెప్పారు. అలాగే మరి కొంతమంది శాస్త్రవేత్తలు ఇది సహజ వస్తువులతో తయారు చేసిందని, ఇది మెటల్తో తయారు చేశారని చెప్పారు.

ఇప్పుడు తెలిసిన నిజం..

"దాని సహజ, భౌగోళిక నిర్మాణం అని తోసిపుచ్చలేము" అని స్టాక్‌హోమ్‌లోని మారిటైమ్ మ్యూజియంలోని సముద్ర పురావస్తు శాస్త్రవేత్త గోరాన్ ఎక్‌బర్గ్ అన్నారు. ఈ ఆవిష్కరణ వింతగా ఉందని తాను అంగీకరిస్తున్నానని తెలిపారు. ఎందుకంటే ఇది పూర్తిగా గోళాకారంగా ఉంది. బాల్టిక్ సముద్రంలో ఉన్న ఈ మర్మమైన వస్తువు మంచు యుగంలో సముద్రంలో ఆ ప్రాంతంలో జరిగిన హిమానదీయ ప్రక్రియ అవశేషాలు అని వారు చెబుతున్నారు.