డబ్ల్యూటీసీ ఫైనల్‌ మ్యాచ్‌‌కు అంపైర్ల జాబితాను ప్రకటించిన ఐసీసీ

దిశ, వెబ్‌డెస్క్: లండన్‌లోని ఓవల్‌ స్టేడియంలో జూన్‌ 7 నుంచి 12 వరకు టీమ్ ఇండియా vs ఆసీస్ మధ్య జరగనున్న డబ్ల్యూటీసీ ఫైనల్‌ మ్యాచ్‌‌కు అంపైర్ల జాబితాను ఐసీసీ ప్రకటించింది. ఆన్-ఫీల్డ్ అంపైర్లతో సహా ఐదుగురు మ్యాచ్ అఫీషియల్స్‌ పేర్లను ఐసీసీ వెల్లడించింది. న్యూజిలాండ్‌కు చెందిన క్రిస్ గఫానీ, ఇంగ్లండ్‌ అంపైర్‌ రిచర్డ్ ఇల్లింగ్‌వర్త్‌లు ఆన్-ఫీల్డ్ అంపైర్లుగా ఎంపికవగా.. థర్డ్‌ అంపైర్‌గా ఇంగ్లండ్‌కు చెందిన రిచర్డ్ కెటిల్‌బరో వ్యవహరించనున్నాడు. శ్రీలంకకు చెందిన సీనియర్‌ అంపైర్‌ కుమార్ ధర్మసేన ఫోర్త్‌ అంపైర్‌గా బాధ్యతలు నిర్వర్తించనున్నాడు. మ్యాచ్‌ రిఫరీగా వెస్టిండీస్‌ క్రికెట్‌ దిగ్గజం రిచీ రిచర్డ్‌సన్ వ్యవహరించునున్నాడు.