WPL 2024: గుజరాత్ జట్టుపై ముంబై ఘన విజయం..

దిశ, వెబ్ డెస్క్: ఉమెన్స్ ప్రీమియర్ లీగ్ 2024 లో భాగంగా ఆదివారం మూడో మ్యాచ్.. గుజరాత్ జెయింట్స్, ముంబై ఇండియన్స్ జట్ల మధ్య జరిగింది. బెంగళూరులోని చిన్నస్వామి స్టేడియం వేదికగా జరిగిన ఈ మ్యాచ్ లో టాస్ గెలిచిన ముంబై జట్టు బౌలింగ్ ఎంచుకుంది. దీంతో మొదట బ్యాటింగ్ చేసిన గుజరాత్ జట్టు నిర్ణీత 20 ఓవర్లలో 9 వికెట్లు కోల్పోయి 1265 పరుగులు చేసింది. అనంతరం 127 పరుగుల స్వల్ప లక్ష్యంతో చేజింగ్ కు దిగిన ముంబై జట్టుకు ఓపెనర్లు వెంటవెంటనే అవుట్ కావడంతో షాక్ తగిలింది.

అనంతరం Nat Sciver-Brunt 22 పరుగులకు అవుట్ అయింది. ఆ తర్వాత బ్యాటింగ్ వచ్చిన Amelia Kerr 31 పరుగులు వద్ద అవుట్ కాగా వెంటవెంటనే వికెట్లు పడ్డాయి. కానీ మరోపక్క కెప్టెన్ కౌర్ నిలకడగా రాణిస్తూ.. గుజరాత్ నిర్దేశించిన 127 పరుగుల లక్ష్యాన్ని 18.1 ఓవర్లలో చేధించి ముంబై జట్టుకు విజయాన్ని అందించారు. ఈ మ్యాచ్‌లో కెప్టెన్ కౌర్ 46 పరుగులతో ముంబై జట్టు విజయంలో కీలకంగా మారారు. దీంతో వరుసగా రెండో విజయంతో ముంబై జట్టు పాయింట్ల పట్టికలో మొదటి స్థానంలోకి దూసుకెళ్లింది.