ఉత్కంఠ పోరులో టీమిండియా ఓటమి

దిశ, వెబ్‌డెస్క్: మహిళల టీ20 వరల్డ్ కప్ సెమీస్ పోరులో భారత్ ఓటమిపాలైంది. లక్ష్య చేధనలో భారత బ్యాట్స్‌ఉమెన్స్ అద్భుతంగా రాణించినప్పటికీ.. ఉత్కంఠ పోరులో పరాజయం పాలైంది. కేవలం 5 పరుగుల తేడాతో ఆస్ట్రేలియా చేతిలో ఓటమి చెందాల్సి వచ్చింది. బ్యాటింగ్, బౌలింగ్‌లలో అద్భుతంగా రాణించిన గార్డెనర్‌కు 'ప్లేయర్ ఆఫ్ ది మ్యాచ్' అవార్డ్ దక్కింది. ఈ విజయంతో టీ20 వరల్డ్ కప్‌లో ఆస్ట్రేలియా మరోసారి ఫైనల్ చేరింది. 172 పరుగుల లక్ష్య చేధనకు బరిలోకి దిగిన భారత టాప్ బ్యాటర్లు విఫలమయ్యారు. కేవలం 30 పరుగులకే 3 వికెట్లు కోల్పోయి జట్టును కష్టాల్లోకి నెట్టారు. కెప్టెన్ హర్మాన్ ప్రీత్ కౌర్ - రొడ్రిగేజ్ జోడీ భాగస్వామ్యాన్ని నెలకొల్పి ఇన్నింగ్స్‌ను నిలబెట్టారు. తర్వాత కీలక సమయంలో వికెట్లు పడడంతో ఓటమి అనివార్యమైంది.