T20 World Cup 2024 : 10 వేదికల్లో 55 మ్యాచులు.. షెడ్యూల్ అనౌన్స్ చేసిన ఐసీసీ
మరో 13 రోజుల్లో భారత్ వేదికగా వన్డే వరల్డ్కప్ గ్రాండ్గా ప్రారంభం కానుంది.
దిశ, వెబ్డెస్క్: మరో 13 రోజుల్లో భారత్ వేదికగా వన్డే వరల్డ్కప్ గ్రాండ్గా ప్రారంభం కానుంది. అక్టోబర్ 5 నుంచి నవంబర్ 19 వరకు నిర్వహించనున్నారు. ఈ ప్రపంచకప్తో పాటు వచ్చే 2024 టీ20 వరల్డ్ కప్ కోసం కూడా ఐసీసీ ఏర్పాట్లను వేగవంతం చేస్తోంది. వచ్చే ఏడాది వెస్టిండీస్, అమెరికా సంయుక్తంగా ఈ టీ20 ప్రపంచకప్కు ఆతిథ్యం ఇవ్వనుంది. వరల్డ్ కప్మ్యాచ్లను మొదటి సారి అమెరికాలో జరగనుండటం విశేషం. అయితే 2024 ప్రపంచకప్ టోర్నీ తేదీలను, వేదికలను ఐసీసీ అధికారికంగా ప్రకటించింది.
T20 World Cup 2024 టోర్నీ వచ్చే ఏడాది జూన్ 4వ తేదీ నుంచి ప్రారంభం కానుంది. జూన్ 30న ఫైనల్ నిర్వహించనున్నారు. వెస్టిండీస్లోని అంటిగ్వా అండ్బార్బుడా, బార్బొడాస్, డొమినికా, సెయింట్ లూసియా, గయానా, సెయింట్ విన్సెంట్ అండ్ ది గ్రెనెడైన్స్, ట్రినిడాడ్ అండ్ టొబాగోలో 2024 ప్రపంచ కప్ మ్యాచ్లు నిర్వహించనున్నారు. అమెరికాలో డల్లాస్, ఫ్లోరిడా, న్యూయార్క్ వేదికగా జరగనున్నాయి. మొత్తంగా వెస్టిండీస్లో ఏడు, అమెరికా మూడు వేదికలుగా 2024 ప్రపంచకప్ మ్యాచ్లు నిర్వహించనున్నారు. మొత్తంగా 20 జట్లు ఈ టోర్నీలో పోటీపడనున్నాయి. 10 వేదికల్లో 55 మ్యాచ్లు జరగనున్నాయి. వీటిలో 39 మ్యాచ్ల వరకు వెస్టిండీస్లోని ఏడు వేదికల్లో జరిగే అవకాశం ఉంది. అమెరికాలోని మూడు వేదికల్లో 16 మ్యాచ్లు జరగొచ్చు. ఈ పూర్తి మ్యాచ్ల షెడ్యూల్ను వచ్చే ఏడాది ఆరంభంలో ఐసీసీ ఖరారు చేసే ఛాన్స్ ఉంది.
The 10 venues for the ICC Men's #T20WorldCup 2024 😍
— ICC (@ICC) September 23, 2023
Details ➡️ https://t.co/8SF5f7SSwI pic.twitter.com/9kf0cWgpp3