సుమిత్ శుభారంభం.. రెండో రౌండ్‌కు క్వాలిఫై

దిశ, స్పోర్ట్స్ : మొరాకోలో జరుగుతున్న మరాకెచ్ ఓపెన్ ఏటీపీ 250 టెన్నిస్ టోర్నీలో భారత స్టార్ ఆటగాడు సుమిత్ నగాల్ శుభారంభం చేశాడు. టోర్నీలో రెండో రౌండ్‌కు దూసెకెళ్లాడు. మంగళవారం జరిగిన మెన్స్ సింగిల్స్ తొలి రౌండ్‌లో సుమిత్ 4-6, 6-3, 6-2 తేడాతో ఫ్రాన్స్ ఆటగాడు కొరెంటిన్ మౌటెట్‌ను చిత్తు చేశాడు. తొలి సెట్ కోల్పోయి వెనుకబడిన సుమిత్.. ఆ తర్వాత అద్భుతంగా పుంజుకుని మిగతా రెండు సెట్లను దక్కించుకున్నాడు. బుధవారం రెండో రౌండ్‌లో ఇటలీ ప్లేయర్ లోరెంజో సొనెగోతో తలపడనున్నాడు.