డీప్ ఫేక్ బారిన పడిన SRH ఓనర్ కావ్య.. ఆ ఆటగాడితో లిప్ టూ లిప్ కిస్ (వీడియో)

దిశ, వెబ్‌డెస్క్: ఇటీవల పలువురు సినీ సెలబ్రిటీలు డీప్ ఫేక్ బారిన పడిన విషయం తెలిసిందే. ముఖ్యంగా రష్మిక మందన్న డీప్ ఫేక్ వీడియో సోషల్ మీడియాను కుదిపేసింది. దీంతో ప్రముఖ సెలబ్రిటీలు.. రాజకీయ నాయకులు సైతం స్పందించి నిందితులపై కఠిన చర్యలు తీసుకోవాలని ఆగ్రహం వ్యక్తం చేశారు. అయినప్పటికీ ఇలాంటి ఆగడాలు ఆగడం లేదు. ఇదిలా ఉండగానే.. తాజాగా సన్‌రైజర్స్ హైదరాబాద్ ప్రాంచైజ్ ఓనర్ కావ్య మారన్ డీప్ ఫేక్ బారిన పడింది. సన్ రైజర్స్ హైదరాబాదు మాజీ కెప్టెన్ మార్క్‌క్రమ్‌ను కావ్య హగ్ చేసుకున్నట్లు.. అంతేకాకుండా లిప్ టూ లిప్ కిస్ ఇచ్చినట్లు ఓ వీడియో నెట్టింట దుమారం రేపుతోంది.

ఈ వీడియో వీక్షించిన అభిమానులు ఆగ్రహం వ్యక్తం చేస్తున్నారు. తమ అభిమాన టీమ్ ఓనర్‌పై ఇలాంటి చెత్త వీడియోలు క్రియేట్ చేస్తే ఊరుకునే ప్రసక్తే లేదని, మరోసారి జరగకుండా చూడాలని హెచ్చరిస్తున్నారు. సెలబ్రిటీలపైన్నే అలాంటి వీడియోలు, ఫొటోలు సృష్టించిన వారు సామాన్యులను వదులుతారా..? అని భయపడిపోతున్నారు. అయితే ఈ డీప్ ఫేక్ వీడియోపై కావ్య మారన్ ఇప్పటి వరకు స్పందించలేదు. దీనిపై కావ్య మారన్ పోలీసులకు కంప్లైంట్ చేసే అవకాశాలు కనిపిస్తున్నాయి.