దిశ, స్పోర్ట్స్: నాలుగు పదుల వయసులోనూ భారత టెన్నిస్ డబుల్స్ స్టార్ రోహన్ బోపన్న అదరగొడుతున్నాడు. ఈ ఏడాదిలో ఇప్పటికే ఆస్ట్రేలియన్ డబుల్స్ టైటిల్‌ను తన ఖాతాలో వేసుకున్న బోపన్న.. మరో టైటిల్‌కు అడుగు దూరంలో నిలిచాడు. ఫ్లోరిడా వేదికగా జరుగుతున్న మియామి ఓపెన్‌లో ఫైనల్లోకి దూసుకెళ్లాడు. గురువారం జరిగిన మెన్స్ డబుల్స్ సెమీఫైనల్లో బోపన్న-ఎబ్డెన్(యూఎస్)ల జోడీ.. గ్రానోలర్స్(స్పెయిన్)-జెబల్లాస్(అర్జెంటీనా)పై 6-1, 6-4 తేడాతో విజయం సాధించి, ఫైనల్లోకి అడుగుపెట్టింది.