ధోనీ వల్ల రవీంద్ర జడేజా ఇబ్బంది పడ్డాడు: CSK CEO Kasi Viswanathan

దిశ, వెబ్‌డెస్క్: చెన్నై సూపర్ కింగ్ సారథి మహేంద్ర సింగ్ ధోనీ కారణంగా స్టార్ ఆల్‌రౌండర్ రవీంద్ర జడేజా చాలా ఇబ్బంది పడ్డాడని ఆ జట్టు సీఈఓ కాశీ విశ్వనాథన్ అన్నాడు. ఓ దశలో ధోనీ కంటే ముందు బ్యాటింగ్ చేసేందుకు చాలా భయపడ్డాడని తెలిపాడు. గుజరాత్ టైటాన్స్‌తో జరిగిన ఫైనల్లో రవీంద్ర జడేజా సూపర్ బ్యాటింగ్‌తో చెన్నై విజయం సాధించింది. చివరి 2 బంతులకు 10 పరుగులు చేయాల్సిన పరిస్థితుల్లో జడేజా సూపర్ బ్యాటింగ్‌తో సిక్స్, ఫోర్ బాది చిరస్మరణీయ విజయాన్నందించాడు.

అయితే ఈ ఇన్నింగ్స్ ముందు వరకు జడేజాను ధోనీ అభిమానులు ఘాటుగా విమర్శించారు. జడేజా సైతం వారి ట్రోలింగ్‌ను తనదైన శైలిలో తిప్పికొడుతూ ట్వీట్ చేశాడు. చివరకు విమర్శించినవారే జడేజాను కొనియాడారు. ధోనీ బ్యాటింగ్ చూసేందుకు జడేజా ఔటవ్వాలని అభిమానులు కోరుకున్నారు. ఈ విషయాన్ని జడేజా సైతం ఐపీఎల్ 2023 సీజన్ సందర్భంగా చాలా సార్లు చెప్పాడు. అయితే కొందరు హద్దులు ధాటి విమర్శించడంతో జడేజా సీరియస్ అయ్యాడు.

తాజాగా ఓ ఇంటర్వ్యూలో సీఎస్‌కే సీఈఓ కాశీ విశ్వనాథన్ ఇదే విషయాన్ని వెల్లడించాడు. ధోనీ అభిమానుల ఓవరాక్షన్ వల్ల జడేజా ఇబ్బందులకు గురయ్యాడని చెప్పుకొచ్చాడు. అయితే జడేజా, ధోనీ మధ్య విభేదాలున్నట్లు జరుగుతున్న ప్రచారాన్ని కాశీ విశ్వనాథన్ ఖండించాడు. ఈ సీజన్‌లో చివర్లో 5-10 బంతులు మిగిలి ఉన్నప్పుడు జడ్డూ బ్యాటింగ్‌కు వచ్చేవాడు. అప్పుడు కూడా ఫ్యాన్స్, ధోనీ ధోనీ. అని అరుస్తుండడంతో అతను చాలా ఫీలయ్యాడు. చాలాసార్లు ఆ ప్లేస్‌లో బ్యాటింగ్‌కు వెళ్లకపోవడమే బెటర్ అని అనుకున్నాడు. అందరికీ ఇలాంటి ఒత్తిడి ఉండటం మామూలే. అయితే ఎవరీపై కూడా జడేజా మాకు ఫిర్యాదు చేయలేదు. ధోనీ పట్ల జడేజాకు అపారమైన గౌరవం ఉంది. వారిద్దరి మధ్య ఎలాంటి విభేదాలు లేవు.