షూటర్ పాలక్‌కు ఒలింపిక్స్ బెర్త్

దిశ, స్పోర్ట్స్ : భారత షూటర్ పాలక్ గులియా 10 మీటర్ల ఎయిర్ పిస్టోల్‌ కేటగిరీలో పారిస్ ఒలింపిక్స్ బెర్త్ సాధించింది. బ్రెజిల్‌లో జరుగుతున్న ఫైనల్ ఒలింపిక్ క్వాలిఫికేషన్ చాంపియన్‌షిప్‌లో ఆదివారం ఆమె కాంస్య పతకం సాధించింది. మహిళల 10 మీటర్ల ఎయిర్ పిస్టోల్ ఫైనల్‌లో పాలక్ 217.6 స్కోరుతో మూడో స్థానంలో నిలిచింది. దీంతో బ్రాంజ్ మెడల్ సొంతం చేసుకోవడంతోపాటు భారత్‌కు 20వ ఒలింపిక్ కోటాను అందించింది. అదే ఈవెంట్‌లో మరో భారత క్రీడాకారిణి సైన్యం 176.7 స్కోరుతో ఐదో స్థానంలో నిలిచింది. పారిస్ ఒలింపిక్స్‌లో షూటింగ్‌లో ప్రతి దేశం గరిష్టంగా 24 కోటాలు పొందొచ్చు. రైఫిల్, పిస్టోల్ కేటగిరీలో భారత ఇప్పటికే గరిష్టంగా 16 కోటాలను పొందింది. మిగతా నాలుగు బెర్త్‌లను షాట్‌గన్ కేటగిరీలో సాధించాల్సి ఉంది.