పాక్ కెప్టెన్ వరల్డ్ రికార్డు.. వన్డేల్లో అత్యంత వేగంగా..

దిశ, వెబ్‌డెస్క్: పాకిస్తాన్‌ కెప్టెన్‌ బాబర్‌ ఆజమ్‌ అరుదైన రికార్డు నెలకొల్పాడు. వన్డేల్లో అత్యంత వేగంగా 5,000 పరుగులు పూర్తి చేసిన బ్యాటర్‌గా రికార్డుల్లోకెక్కాడు. న్యూజిలాండ్‌తో జరుగుతున్న నాలుగో వన్డేలో 19 పరుగుల వద్ద బాబర్‌ 5,000 పరుగుల మైలురాయిని అధిగమించాడు. అయితే ఈ ఫీట్‌ను 97 ఇన్నింగ్స్‌ల్లో బాబర్‌ ఆజమ్‌ సాధించాడు. గతంలో ఈ రికార్డు సౌతాఫ్రికా దిగ్గజ బ్యాటర్‌ హషీమ్‌ ఆమ్లా పేరిట ఉండగా.. ఆమ్లాకు ఈ ఫీట్‌ను సాధించడానికి 101 ఇన్నింగ్స్‌లు అవసరమయ్యాయి. ఈ ఘనత సాధించిన 14వ పాకిస్తానీ క్రికెటర్‌గా నిలిచాడు.