IND vs AUS 3rd Test: కుప్పకూలిన భారత టాపార్డర్

దిశ, వెబ్‌డెస్క్: భారత్, ఆస్ట్రేలియా మధ్య ఇండోర్ వేదికగా జరగుతున్న మూడో టెస్టులో భారత్ పీకల్లోతు కష్టాల్లో పడింది. టాస్ గెలిచి బ్యాటింగ్ ఎంచుకున్న భారత్.. టాపార్డర్ కుప్పకూలిపోయింది. మ్యాచ్ ప్రారంభం అయినా గంటలోపే 11.2 ఓవర్లకు 5 వికెట్లు కోల్పోయింది. ఓపెనర్లు రోహిత్ శర్మ, 12, శుబ్‌మన్‌గిల్ 21, పుజారా 1, రవీంద్ర జడేజా 4, శ్రేయస్ అయ్యర్ 0 పరుగులకే తమ వికెట్లు కోల్పోయారు. దీంతో భారత జట్టుకు ఇక మిగిలింది విరాట్ కోహ్లీ, యువ బ్యాటర్ శ్రీకర్ భరత్, ఆల్ రౌండర్ అశ్విన్ మాత్రమే.. కాగా విరాట్ కోహ్లీ ఈ మూడో టెస్టులో ఒంటరి పోరాటం చేస్తున్నాడు.