ఉమెన్స్ వరల్డ్ బాక్సింగ్ చాంపియనషిప్‌లో తప్పుడు జాతీయ గీతం ప్లే

దిశ, వెబ్‌డెస్క్: ఢిల్లీలో జరిగిన మహిళల ప్రపంచ బాక్సింగ్ ఛాంపియన్ షిప్ లో ఘోర తప్పిదం చోటు చేసుకుంది. మ్యాచ్ విన్నర్లకు పతకాల ప్రదానోత్సవంలో రష్యా జాతీయ గీతాన్ని తప్పుగా ప్లే చేశారు. ఈ టోర్నమెంట్‌లో ఓ విబాగంలో గోల్డ్ సాధించిన రష్యా ప్లేయర్ డెముర్చియన్ అనస్తాసియా.. తన దేశం జాతీయ గీతం కాకుండా వేరొక దేశం జాతీయ గీతం వినిపించడంతో కలత చెంది.. పోడియంపై ఒంటరిగా నిలబడింది. కాగా దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది. అయితే ఇంత పెద్ద తప్పిదం ఎలా జరిగింది. అసలు కారకులు ఎవరు అని అధికారులు చర్యలకు పూనుకున్నారు.