ICC Rankings: టీమ్ ఇండియాను వెనక్కునెట్టిన పాక్‌..
ఐసీసీ మే 11 విడుదల చేసిన వన్డే టీమ్ ర్యాంకింగ్స్‌లో పాకిస్తాన్.. టీమిండియాను వెనక్కునెట్టి రెండో స్థానానికి చేరుకుంది.
దిశ, వెబ్‌డెస్క్: ఐసీసీ మే 11 విడుదల చేసిన వన్డే టీమ్ ర్యాంకింగ్స్‌లో పాకిస్తాన్.. టీమిండియాను వెనక్కునెట్టి రెండో స్థానానికి చేరుకుంది. అగ్రస్థానంలో ఆసీస్ కొనసాగుతుంది. ప్రస్తుతానికి ఆసీస్ టాప్‌ ప్లేస్‌ను నిలబెట్టుకున్నప్పటికీ.. పాయింట్ల పరంగా.. ఆ స్థానం శాశ్వతం కాదని తెలుస్తోంది. టాప్‌ 3 స్థానాల్లో ఉన్న ఆసీస్, పాక్‌, భారత్‌ల మధ్య వ్యత్యాసం కేవలం 3 పాయింట్లు మాత్రమే. ప్రస్తుతం ఆసీస్ ఖాతాలో 118, పాక్‌ ఖాతాలో 116, భారత్‌ ఖాతాలో 115 రేటింగ్‌ పాయింట్లు ఉన్నాయి. తాజా ర్యాంకింగ్స్‌లో ఆసీస్, పాక్‌, భారత్‌ల తర్వాత న్యూజిలాండ్‌ (104), ఇంగ్లండ్‌ (101), సౌతాఫ్రికా (101), బంగ్లాదేశ్‌ (97), ఆఫ్ఘనిస్తాన్‌ (88), శ్రీలంక (80), వెస్టిండీస్‌ (72) వరుసగా నాలుగు నుంచి పది స్థానాల్లో నిలిచాయి.