టెన్నిస్‌కు స్పెయిన్ దిగ్గజ క్రీడాకారిణి ముగురుజా రిటైర్మెంట్

దిశ, స్పోర్ట్స్ : స్పెయిన్ టెన్నిస్ దిగ్గజ క్రీడాకారిణి, మాజీ వరల్డ్ నం.1 గార్బైన్ ముగురుజా టెన్నిస్‌కు గుడ్ బై చెప్పింది. ఏడాది కాలంగా ఆటకు దూరంగా ఉన్న ఆమె ఆదివారం టెన్నిస్‌కు వీడ్కోలు పలుకుతున్నట్టు ప్రకటించింది. ‘గుడ్ బై చెప్పే సమయం వచ్చింది. ఇది సుదీర్ఘమైన, అద్భుతమైన కెరీర్.’ అని ముగురుజా తెలిపింది. కాగా, 30 ఏళ్ల ముగురుజా గతేడాది జనవరిలో లియోన్ ఓపెన్‌లో చివరి మ్యా్చ్ ఆడింది. అప్పటి నుంచి ఆమె ఆటకు దూరంగా ఉంది. 2012లో అరంగేట్రం చేసిన ఆమె.. 2016లో ఫ్రెంచ్ ఓపెన్, 2017లో వింబుల్డన్ గ్రాండ్‌స్లామ్స్ టైటిల్స్‌ను గెలుచుకుంది. అలాగే, తన కెరీర్‌లో 10 సింగిల్స్ టైటిల్‌ను సాధించింది.