వచ్చే టీ20 వరల్డ్ కప్‌లో అతడే ఓపెనింగ్ చేస్తాడు : Gautam Gambhir

దిశ, వెబ్‌డెస్క్: టీమిండియా ప్లేయర్ పృథ్వీ షాపై టీమిండియా మాజీ ఓపెనర్ గౌతమ్ గంభీర్ ప్రశంసలు కురిపించాడు. టీ20 వరల్డ్ కప్‌లో పృథ్వీ షానే ఓపెనింగ్ చేస్తాడని గౌతమ్ గంభీర్ తన అభిప్రాయం వ్యక్తం చేశాడు. పృథ్వీ షా జులై 2021లో భారత్ జట్టు తరఫున టీ20ల్లో అరంగేట్రం చేశాడు. కానీ ఆ తర్వాత ఇప్పటి వరకూ అతనికి మరో అవకాశం రాలేదు. న్యూజిలాండ్‌తో జరుగుతున్న మూడు టీ20ల సిరీస్ కోసం అతన్ని ఎంపిక చేసినా.. తొలి రెండు మ్యాచ్‌లకు తుది జట్టులో చోటు ఇవ్వలేదు. ఈ రెండు మ్యాచ్‌లలో గిల్, ఇషాన్ లకే అవకాశం ఇచ్చినా వాలిద్దరూ విఫలమయ్యారు.

న్యూజిలాండ్‌తో పృథ్వీ షాకు అవకాశం దక్కపోవడం మరోసారి ఆశ్చర్యం కలిగించింది. ఒకవేళ సెలక్టర్లు రోహిత్ శర్మ, విరాట్ కోహ్లి లను పక్కన పెట్టాలనుకుంటే 2024 వరల్డ్ కప్‌లో పృథ్వీ షానే ఓపెనింగ్ చేస్తాడని నేను భావిస్తున్నా" అని గంభీర్ అన్నాడు. గత ఏడాది పృథ్వీ షా సయ్యద్ ముస్తాక్ అలీ టీ20 టోర్నీలో 10 మ్యాచ్‌లలో 332 రన్స్ చేశాడు. ఇక వన్డేల్లో రాణిస్తున్న శుభ్‌మన్ గిల్ ను టీ20ల్లోనూ కొనసాగిస్తుండటం సరి కాదని కూడా గంభీర్ తన అభిప్రాయం వ్యక్తం చేశాడు.