డబ్ల్యూటీసీ 2021-23 సీజన్ ఫైనల్ తేదీని ప్రకటించిన ఐసీసీ

దిశ, వెబ్‌డెస్క్: ప్రపంచ టెస్టు చాంపియన్‌షిప్ డబ్ల్యూటీసీ 2021-23 సీజన్ ఫైనల్ తేదీని ఐసీసీ ఖరారు చేసింది. ఫైనల్ మ్యాచ్‌ జూన్ 7న ఇంగ్లండ్‌లోని ఓవల్ వేదికగా ఆరంభం కానుందని పేర్కొంది. తొలి డబ్ల్యూటీసీ టైటిల్ నెగ్గిన జట్టుగా న్యూజిలాండ్ చరిత్రకెక్కిన విషయం తెలిసిందే. ఇంగ్లండ్‌లోని సౌతాంప్టన్‌లో జరిగిన ఫైనల్లో ఇండియాను ఓడించి తొలిసారి ఐసీసీ ట్రోఫీని గెలిచింది. ప్రస్తుతం ఈ సీజన్‌లో ఫైనల్ బెర్తును ఖరారు చేసుకునే క్రమంలో ఆస్ట్రేలియా, టీమిండియా పోటీ పడుతున్నాయి. ఇప్పటి వరకు రెండు జట్లు టాప్ 2 లో ఉన్నాయి. దీంతో ఫిబ్రవరి 9 నుంచి ఆరంభం కానున్న బోర్డర్-గవాస్కర్ ట్రోఫీ కీలకం కానుంది.