Ashes 2023: ఆసీస్ ఆలౌట్.. ఇంగ్లండ్‌కు స్వల్ప ఆధిక్యం..
యాషెస్‌ సిరీస్‌‌లో భాగంగా ఆసీస్ తొలి ఇన్నింగ్స్‌లో 386 పరుగులకు ఆలౌట్ అయింది.
దిశ, వెబ్‌డెస్క్: యాషెస్‌ సిరీస్‌‌లో భాగంగా ఆసీస్ తొలి ఇన్నింగ్స్‌లో 386 పరుగులకు ఆలౌట్ అయింది. ఆసీస్ ఓపెనర్‌ ఉస్మాన్‌ ఖ్వాజా (141) సెంచరీ చేయగా.. ట్రవిస్‌ హెడ్‌ (50), కెమారూన్‌ గ్రీన్‌ (38), అలెక్స్‌ క్యారీ (66), పాట్‌ కమిన్స్‌ (38) రాణించారు. ఇంగ్లండ్‌ బౌలర్లలో స్టువర్ట్‌ బ్రాడ్‌, రాబిన్సన్‌ తలో 3 వికెట్లు, మొయిన్‌ అలీ 2 వికెట్లు, ఆండర్సన్‌, స్టోక్స్‌ చెరో వికెట్‌ తీశారు.
అంతకుముందు టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. రూట్‌ (118 నాటౌట్‌), జాక్‌ క్రాలే (61), బెయిర్‌స్టో (78) రాణించగా 393/8 స్కోర్‌ వద్ద తొలి ఇన్నింగ్స్‌ను డిక్లేర్‌ చేసింది. ఆసీస్ బౌలర్లలో నాథన్‌ లయోన్‌ 4, హాజిల్‌వుడ్‌ 2, బోలండ్‌, గ్రీన్‌ తలో వికెట్‌ పడగొట్టారు.