'సండే ఫన్ డే..' చార్మినార్ కి స్పెషల్ బస్సులు

దిశ, డైనమిక్ బ్యూరో: మంత్రి కేటీఆర్ ఆదేశాలతో “సండే ఫన్ డే” పేరుతో ప్రతి ఆదివారం సాయంత్రం ట్యాంక్ బండ్ నగరవాసులతో కలకలలాడుతున్న విషయం తెలిసిందే. దీనిపై స్పందించిన హైదరాబాద్ ఎంపీ అసదుద్దీన్ ఓవైసీ చార్మినార్ వద్ద కూడా ఇలాంటి కార్యక్రమాలు జరపాలని మంత్రి కేటీఆర్ ను కోరారు. ఈ క్రమంలో పురపాలక శాఖ స్పెషల్ చీఫ్ సెక్రటరీ అరవింద్ కుమార్, హైదరాబాద్ పోలీసు కమిషనర్ అంజనీ కుమార్, ఎంపీ అసదుద్దీన్ ఆధ్వర్యంలో చార్మినార్ ను సందర్శించి, ఈ ఆదివారం నుంచే ఏర్పాటు చేసేందుకు నిర్ణయం తీసుకున్నారు. దీంతో ఇప్పటికే సందడి మొదలవగా.. అధికారులు అన్ని ఏర్పాట్లు పూర్తి చేశారు. ఈ సందర్భంగా ఆర్టీసీ కూడా సిటీ బస్సులను ప్రత్యేకంగా నడిపేందుకు సిద్ధమైంది. నగరంలోని వివిధ ప్రాంతాల నుంచి బస్సులు చార్మినార్ వైపు రానున్నాయి. బస్సు నెంబర్లు, బస్సు సమయాలకు సంబంధించిన పూర్తి వివరాలు ఇలా ఉన్నాయి.