డ్రగ్స్ అమ్ముతూ పోలీసులకు అడ్డంగా దొరికిన సూర్య విలన్..

దిశ, వెబ్‌డెస్క్: ఇటీవల చిత్ర పరిశ్రమను డ్రగ్స్ రాకెట్ పట్టిపీడిస్తున్న సంగతి తెలిసిందే.. డ్రగ్స్ తీసుకొంటున్నారని, సరఫరా చేస్తున్నారని సినీ ప్రముఖులను ఈడీ విచారించిన సంగతి విదితమే. ఇక ఈ కేసు నుంచి అందరు బయటపడ్డారు అనుకొనేలోపు మరో నటుడు డ్రగ్స్ సరఫరా చేస్తూ అడ్డంగా బుక్కవ్వడం సంచలనం రేపుతోంది. అవకాశాలు లేక అతను ఇలాంటి అడ్డదారిలో డబ్బు సంపాదిస్తున్నట్లు తెలుస్తోంది. ఓ స్టార్ హీరో సినిమాలో నటించిన నటుడు రీల్ లైఫ్ లో చేసిన పనిని రియల్ లైఫ్ లోనూ చేసి అందరికి షాకిచ్చాడు. డ్రగ్స్ సంబంధించిన కేసులో పోలీసులకు చిక్కాడు.

వివరాలలోకి వెళితే.. కోలీవుడ్ స్టార్ హీరో సూర్య యాక్షన్ బ్లాక్ బస్టర్ మూవీ ‘సింగం’ చిత్రంలో చెక్ వుమె మాల్విన్ అనే నైజీరియన్ విలన్ గా చేశాడు. ఈ చిత్రంలో అక్రమంగా డ్రగ్స్ సప్లై చేసే ముఠాకు సంబంధించిన వాడిగా నటించిన అతను రియల్ లైఫ్ లో కూడా అదే పని చేస్తూ పోలీసులకు చిక్కాడు. బెంగళూరులోని హెచ్‌బీఆర్ లే అవుట్ బీడీఏ కాంప్లెక్స్ వద్ద డ్రగ్స్ అమ్ముతున్న అతనిని పోలీసులు పట్టుకున్నారు. అతడి నుంచి 250 గ్రాముల హషిష్ తైలం, 15 గ్రాముల ఎండీఎంఏ గుళికలు, ఫోన్, రూ.2 వేల నగదు స్వాధీనం చేసుకున్నారు. నిందితుడి నుంచి స్వాధీనం చేసుకున్న డ్రగ్స్ విలువ రూ.8 లక్షలు ఉంటుందని పోలీసులు అంచనా వేశారు. అయితే కరోనా సమయంలో ఆర్థిక ఇబ్బందులు, అవకాశాలు లేక మాల్విన్ అడ్డదారి తొక్కినట్లు పోలీసులు పేర్కొన్నారు. నిందితుడిని అదుపులోకి తీసుకున్న పోలీసులు ఈ వ్యవహారంతో సినీ పరిశ్రమకు చెందిన వారికి ఎవరికైనా సంబంధం ఉందా? అన్న కోణంలో దర్యాప్తు ప్రారంభించారు.

డబుల్ రేప్: అక్కకు న్యాయం చేస్తానని చెల్లెలుపై కానిస్టేబుల్ అఘాయిత్యం

ఫిలింనగర్‌లో విషాదం.. ప్రియుడు మోసం చేశాడని ఆర్టిస్ట్ ఆత్మహత్య