ఘనంగా రాష్ట్ర సంగీత నాట్య మండలి చైర్మన్ శివ కుమార్ జన్మదిన వేడుకలు

దిశ, జడ్చర్ల: ఉమ్మడి పాలమూరు జిల్లా టీఆర్ఎస్ అధ్యక్షుడు, రాష్ట్ర సంగీత నాటక అకాడమీ మాజీ చైర్మన్ శివ కుమార్ జన్మదిన వేడుకలను జడ్చర్ల నియోజకవర్గంలో తెరాస పార్టీ నాయకులు కార్యకర్తలు ఘనంగా జరుపుకున్నారు. శివ కుమార్ కు మహబూబ్ నగర్ పార్లమెంటు సభ్యులు మన్నెం శ్రీనివాస్ రెడ్డి ఫోన్ చేసి జన్మదిన శుభాకాంక్షలు తెలిపారు. మండల కేంద్రంలో మిడ్జిల్ మండలం నాయకులు ఏర్పాటు చేసిన కేక్ ను ఎమ్మెల్యే లక్ష్మారెడ్డి సమక్షంలో ఆయన కట్ చేశారు. ఈ సందర్భంగా ఎమ్మెల్యే లక్ష్మారెడ్డి రాష్ట్ర సంగీత నాట్య కళా మండలి చైర్మన్ శివకుమార్ కు కేక్ తినిపించి జన్మదిన శుభాకాంక్షలు తెలిపారు. శివ కుమార్ ఇలాంటి జన్మదిన వేడుకలు మరెన్నో జరుపుకుంటూ పార్టీలో మరెన్నో ఉన్నతమైన శిఖరాలకు ఎదుగుతూ ప్రజా శ్రేయస్సుకై పనిచేయాలని లక్ష్మారెడ్డి ఆకాంక్షించారు. ఈ కార్యక్రమంలో నియోజకవర్గంలోని మండల జిల్లా టీఆర్ఎస్ నాయకులు, కార్యకర్తలు, అభిమానులు పాల్గొన్నారు.