సీనియర్ జర్నలిస్ట్ పొత్తూరి కన్నుమూత

దిశ, న్యూస్‌బ్యూరో: సీనియర్ జర్నలిస్ట్ పొత్తూరి వెంకటేశ్వరరావు కన్నుమూశారు. గత కొంతకాలంగా అనారోగ్యంతో బాధపడుతున్న ఆయన.. గురువారం ఉదయం ఆయన నివాసంలో తుదిశ్వాస విడిచారు. వెంకటేశ్వరరావు 1934 ఫిబ్రవరి 8న గుంటూరు జిల్లా పొత్తూరులో జన్మించారు. దాదాపు 50 ఏళ్లపాటు పాత్రికేయరంగంలో ఆయన పనిచేశారు. ఉమ్మడి ఆంధ్రప్రదేశ్‌లో ఆయన ప్రెస్ అకాడమీ ఛైర్మన్‌గా విధులు నిర్వర్తించారు. ఆంధ్రభూమి పత్రికతో ఆయనకు అనుబంధం ఉంది. ఈనాడు, ఆంధ్రప్రభ, వార్త పత్రికలలో చాలాకాలం పనిచేశారు.

Tags; Passes away, senior journalist Potturi Venkateswara Rao, hyderabad