గ్రామాన్ని దత్తత తీసుకున్న ‘భాయిజాన్’

బాలీవుడ్‌ను ఏలుతున్న ఖాన్ త్రయంలో సల్మాన్ ఖాన్ ఒకరు. మూడు దశాబ్దాలుగా తన సినిమాలతో ప్రేక్షకులను అలరిస్తూనే ఉన్నాడీ..కండల వీరుడు. బెస్ట్ మూవీస్‌ను ఎంచుకుంటూ తన సినిమాల ద్వారా ఎంటర్‌టైన్‌మెంట్‌తో పాటు మెస్సేజ్ కూడా ఇచ్చే ప్రయత్నం చేస్తున్నాడు. నిర్మాతగాను మారి ఎంతో మంది నూతన నటీనటులను ప్రోత్సహిస్తున్నారు. బుల్లితెరపైనా రియాలిటీ షోస్ చేస్తున్న సల్లూ భాయ్..సామాజిక సేవా కార్యక్రమాల్లోనూ యాక్టివ్‌గా ఉంటారు. ‘బీయింగ్ హ్యూమన్ ఫౌండేషన్’ ద్వారా ఎంతో మంది విద్యార్థులకు విద్యను, మారుమూల గ్రామాల ప్రజలకు వైద్యాన్ని అందించారు.

ఇందులో భాగంగా ప్రస్తుతం ఓ గ్రామాన్నే దత్తత తీసుకున్నాడు. 2019 వరదల్లో మహారాష్ట్రలోని కొల్లాపూర్ జిల్లా ఖిద్రాపూర్ గ్రామస్తుల ఇళ్లు కొట్టుకుపోయి నిరాశ్రయులయ్యారు. దీంతో ఆ గ్రామాన్ని పునర్నిర్మించేందుకు ముందుకొచ్చారు సల్లూ భాయ్. గురుగ్రామ్‌లోని ఎలాన్ గ్రూప్‌తో కలిసి ఇళ్లు కట్టించేందుకు సిద్ధమయ్యారు. ఈ విషయాన్నే సోషల్ మీడియాలో పోస్ట్ చేయగా..నెటిజన్లు ఫిదా అయిపోయారు. నిజంగా మీరు ‘సూపర్ స్టార్’ అంటూ ప్రశంసలు కురిపిస్తున్నారు.