ప్రేక్షకుల ప్రేమే ధైర్యాన్నిచ్చింది: సాయి పల్లవి

ఫోర్బ్స్ ఇండియా 30 అండర్ 30 లిస్ట్ లో చేరింది హీరోయిన్ సాయిపల్లవి. తమిళ్, తెలుగు, మలయాళం సినిమాలతో తనకంటూ ప్రత్యేక గుర్తింపు తెచ్చుకున్న సాయి పల్లవి… ఏ ప్రాంతంలో నటిస్తే ఆ ప్రాంతపు భాష, యాసతో ప్రేక్షకులను కట్టిపడేస్తుంది. తన యాక్టింగ్, స్మైల్ తో మెస్మరైజ్ చేసేస్తుంది. అందుకే ఈ గౌరవాన్ని దక్కించుకుంది. ఎంటర్టైన్మెంట్ క్యాటగిరీలో నామినేషన్స్ లో ఉన్న సాయి పల్లవి… ఫోర్బ్స్ ఇండియా జాబితాలో 14వ స్థానాన్ని దక్కించుకుంది.

దీనిపై స్పందించిన ఈ భామ .. ఫోర్బ్స్ ఇండియా జాబితాలో చోటు దక్కడం చాలా సంతోషంగా ఉందని తెలిపింది. తనకు నటన గురించి ఏమి తెలియదని… సినిమా ఫీల్డ్ లోకి ఎంటర్ అయినప్పుడు తనను అభద్రతాభావం వెంటాడేదని తెలిపింది. కానీ ప్రేక్షకులు తనను అంగీకరించడంతో చేయడంతో తనపై తనకు విశ్వాసం పెరిగిందని చెప్పింది. ధైర్యం, పట్టుదల ఉన్న ప్రతీ ఒక్కరు ఏదైనా సాధిస్తారని చెబుతోంది సాయిపల్లవి. ఈ సందర్భంగా ప్రేక్షకులు, అభిమానులకు ధన్యవాదాలు తెలిపింది.