అటవీ అమరవీరుల త్యాగాలు మరువలేనివి

దిశ ప్రతినిధి , హైదరాబాద్:

అడ‌వుల సంర‌క్ష‌ణ‌లో భాగంగా ఎంతో మంది ప్రాణత్యాగం చేశారని, వారి సేవలు ఎల్లప్పుడూ గుర్తుంటాయని మంత్రి అల్లోల్ల ఇంద్రకరణ్ రెడ్డి కొనియాడారు. శుక్రవారం అటవీ అమరవీరుల సంస్మరణ దినోత్సవం సందర్భంగా నెహ్రూ జూలాజికల్ పార్క్ లోని అమరవీరుల స్థూపం వద్ద అమరవీరులకు ఇంద్రకరణ్ రెడ్డి నివాళులర్పించారు.

అనంతరం మంత్రి ఇంద్రకరణ్ రెడ్డి మాట్లాడుతూ.. ప్రకృతి వనరులను కాపాడ‌డంతో పాటు వ‌న్య‌ప్రాణుల‌ సంరక్షణకు అటవీ అధికారులు, సిబ్బంది ఎంతో ‌శ్ర‌మిస్తున్నారన్నారు. విధి నిర్వ‌హ‌ణ‌లో క‌రోనా బారిన‌ప‌డి కొంత‌ మంది అటవీ శాఖ అధికారులు చ‌నిపోవ‌డం విచారకరమన్నారు. అటవీ సంపదను కాపాడేందుకు ప్రభుత్వం అనేక చర్యలు తీసుకుంటుందని స్పష్టం చేశారు.