TGPSC : తెలంగాణ గ్రూప్-3 పరీక్షలకు ఏర్పాట్లు పూర్తి

దిశ, వెబ్ డెస్క్ : ఈ నెల 17, 18 తేదీల్లో గ్రూప్-3(Group-3) ప‌రీక్షల నిర్వహ‌ణ‌కు టీజీపీఎస్సీ(TGPSC) ఏర్పాట్లు చేసింది. గ్రూప్-3 ప‌రీక్షల నిమిత్తం రాష్ట్ర వ్యాప్తంగా 1401 ప‌రీక్షా కేంద్రాల‌ను ఏర్పాటు చేసిన‌ట్లు టీజీపీఎస్సీ అధికారులు వెల్లడించారు. మొత్తంగా 5.36 లక్షల మంది అభ్యర్థులు ఈ పరీక్షలకు హాజరుకానున్నారు. గ్రూప్‌ -3లో మొత్తం మూడు పేపర్లున్నాయి. ఆదివారం ఉదయం, మధ్యాహ్నం రెండు సెషన్లల్లో.. తిరిగి సోమవారం ఉదయం సెషన్‌లో ఈ పరీక్షలను నిర్వహిస్తారు. ఆదివారం ఉదయం జనరల్‌ స్టడీస్‌ అండ్‌ జనరల్‌ ఎబిలిటీఎస్‌ పేపర్‌, మధ్యాహ్నం సెషన్‌లో హిస్టరీ, పాలిటీ అండ్‌ సొసైటీ పేపర్లకు పరీక్షను నిర్వహించ‌నున్నారు. సోమవారం ఉదయం సెషన్‌లో ఎకానమీ అండ్‌ డెవలప్‌మెంట్‌ పేపర్‌కు పరీక్షను నిర్వహించేందుకు ఏర్పాట్లు చేశారు.