ఇళ్లు మారే వారి కోసం ఆర్టీసీ కార్గో సేవలు

దిశ, తెలంగాణ బ్యూరో : ఆర్టీసీ కార్గో సేవలను మరింత విస్తరిస్తోంది. పార్శిల్, వస్తు రవాణాలో సేవలందిస్తూ ప్రజలకు చేరువైంది. ఆర్టీసీకి గణనీయమైన ఆధాయం తీసుకొస్తుంది. అందులో భాగంగా ప్రజలకు మరింత దగ్గరయ్యేందుకు చర్యలు చేపట్టింది. ఇళ్లు మారే వారికోసం కూడా ఆర్టీసీ కార్గో సేవలందించనుంది.

ఇంటి సామగ్రిని వినియోగదారులు కోరుకున్న ప్రాంతాలకు రవాణా చేయనున్నారు. సామగ్రి, దూరం ఆదారంగా ధరను నిర్ణయిస్తామని కార్గో ప్రత్యేకాధికారి కృష్ణకాంత్ ఒక ప్రకటనలో తెలిపారు. ప్రత్యామ్నాయ ఆదాయ వనరుల కోసం అన్ని రకాల సర్వీసులను అందుబాటులోకి తెస్తున్నట్లు వెల్లడించారు. ఈ రంగంలో ఉన్న పోటీని తట్టుకోవడానికి నూతన విధానాలను తీసుకొస్తున్నామని, ప్రజలు ఆదరించాలని కోరారు.