ప్రతీ ఉద్యోగికి ప్రమోషన్ ​ఇవ్వాల్సిందే.. RSP డిమాండ్

దిశ, తెలంగాణ బ్యూరో : పదోన్నతుల కోసం ఉద్యోగులు ధర్నా చేయగా రాష్ట్ర నీటి పారుదల శాఖ 39 మంది ఏఏఈలకు మెమోలు జారీ చేయడంపై బీఎస్పీ స్టేట్​ కోఆర్డినేటర్​ ఆర్ఎస్​ ప్రవీణ్ ​కుమార్​ఫైరయ్యారు. అర్హత ఉన్న ప్రతీ ఉద్యోగికి రూల్స్ ప్రకారం ప్రమోషన్ ఇవ్వాల్సిందేనని సోమవారం ట్విట్టర్​ వేదికగా పేర్కొన్నారు. ఆ శాఖలోని అధికారులు కూడా ఇంజినీర్​ ఇన్ ​చీఫ్‌గా అలానే అయ్యారు కదా అని తెలిపారు.

ఆ శాఖ మంత్రి దర్శనం సచ్చినా దొరకదని, ఎవరూ సకాలంలో స్పందించనప్పుడు చిన్న ఉద్యోగులు వారి సమస్యలను ఎక్కడ చెప్పుకోవాలని ప్రశ్నించారు. అసలే తెలంగాణ దొరల పాలనలో పుట్టెడు దు:ఖంలో ఉందని, దానికి తోడు మీ మెమోలివ్వడం సరికాదని ఆర్ఎస్ ​ప్రవీణ్​కుమార్ ​సూచించారు.