కల్యాణలక్ష్మికి రూ.675కోట్ల నిధులు రిలీజ్

దిశ, న్యూస్‌బ్యూరో: కల్యాణలక్ష్మి పథకానికి ఈ ఏడాది బడ్జెట్ కేటాయింపుల నుంచి ప్రభుత్వం రూ.675కోట్ల నిధులు విడుదల చేసింది. పేదింటి ఆడపిల్లల వివాహానికి సాయం చేసేందుకు ప్రవేశపెట్టిన ఈ పథకానికి 2020-21 బడ్జెట్‌లో ప్రభుత్వం రూ.1,350కోట్లు కేటాయించింది. ఈ ఏడాది పెళ్లికానుకలో భాగంగా రూ. 675కోట్ల నిధులు విడుదల చేస్తూ బీసీ సంక్షేమ శాఖ కమిషనర్ బి. వెంకటేశం గురువారం ఉత్తర్వులు జారీ చేశారు.