‘‘ఆర్ఆర్ఆర్’’ దీపావళి శుభాకాంక్షలు..

దిశ, వెబ్ డెస్క్: దర్శక ధీరుడు ఎస్.ఎస్.రాజమౌళి దర్శకత్వంలో వస్తున్న భారీ ప్రతిష్టాత్మక చిత్రం ‘ఆర్ఆర్ఆర్’. నీరుగా తారక్, నిప్పుగా చరణ్ ప్రభంజనం సృష్టంచబోతున్న ఈ చిత్రంలో స్టార్స్ ఫస్ట్ లుక్, ప్రోమోస్ అదిరిపోయే రెస్పాన్స్ అందుకున్నాయి. దీంతో దీపావళి కానుకగా అప్‌డేట్ ఇవ్వాలని జక్కన్నను కోరారు అభిమానులు. పండుగ సందర్భంగా ఫ్యాన్స్ కోరిక ఎందుకు కాదనాలి అనుకుని.. అప్ డేట్ ఇచ్చాడు జక్కన్న. కానీ, సినిమాకు సంబంధించిన అప్‌డేట్ కాకుండా రాజమౌళి..తారక్, చెర్రీ‌ తో కలిసి చిట్ చాట్ చేస్తున్న పిక్ పోస్ట్ చేశాడు.

దివాళీ పండుగ స్ఫూర్తికి ప్రకాశవంతమైన దీపాలను( చరణ్, తారక్) జోడిస్తూ విష్ చేస్తున్నట్లు తెలిపాడు. తెలుపు రంగు దుస్తుల్లో మెరిసిపోతున్న కథానాయకులు..జక్కన్నతో ముచ్చటిస్తున్న పిక్.. బ్యాక్ గ్రౌండ్‌లో ఆర్‌ఆర్‌ఆర్ లైటింగ్స్..దీపాతోపాటు స్వీట్స్ కనిపిస్తుండగా పిక్చర్ పర్‌ఫెక్ట్‌గా ఉంది. అయితే, ఇదేం అప్‌డేట్ జక్కన్న అని అంటున్నారు ఫ్యాన్స్. చిన్న టీజర్ ఎక్స్‌పెక్ట్ చేశాం.. కనీసం మూవీకి సంబంధించిన ఫొటోలు అయినా అప్‌డేట్‌గా ఇవ్వాల్సిందని అంటున్నారు. ఇక తర్వాత ఫ్యాన్స్ కోరిక మేరకు తారక్, చరణ్ కాంబినేషన్ పిక్స్, సింగిల్ పిక్స్ కూడా అప్‌లోడ్ చేసింది మూవీ యూనిట్. ఇక ఈ పిక్‌లో చెర్రీ కాలికి గాయం కనిపిస్తుండగా..అభిమానులు బాధపడుతున్నారు. జాగ్రత్తగా ఉండమని సూచిస్తున్నారు. ఇంకొందరు అయితే, ఇది గతేడాది పిక్ కదా..అప్పుడేగా చరణ్ కు గాయం అయింది అంటున్నారు.

https://twitter.com/RRRMovie/status/1327136672467783682?s=19