బిగ్ బ్రేకింగ్: క్షణక్షణం ఉత్కంఠ.. కేటీఆర్ vs రేవంత్ రెడ్డి ట్విట్టర్ వార్

దిశ, డైనమిక్ బ్యూరో: రాష్ట్ర రాజకీయాలు హీటెక్కాయి. ఒకరిపైఒకరు తమపై ఉన్న ఆరోపణలు ఎత్తి చూపుతూ నిరూపించుకోవాలంటూ సవాళ్లు విసురుకొంటున్నారు. డ్రగ్స్ కేసులో మంత్రి కేటీఆర్ కి సంబంధం ఉందని టీపీసీసీ అధ్యక్షుడు రేవంత్ రెడ్డి ఆరోపించి డ్రగ్స్ టెస్టు చేసుకుందాం అని సవాల్ విసరగా.. నోట్ ఫర్ ఓట్ లో లై డిటెక్టర్ కు సిద్ధమా అని కేటీఆర్ ప్రతి సవాల్ విసిరారు. అయితే దీనిపై రేవంత్ మండిపడుతూ కేటీఆర్ కి మరో చాలెంజ్ విసిరుతూ ట్వీట్ చేశారు.

అందులో ” Indicate time and place @KTRTRS for lie detector test along with KCR on CBI cases on corruption charges in Sahara Provident Fund and ESI hospital construction scandals. #WhiteChallenge ” అని ట్వీట్ చేశారు. అంటే.. ‘సహారా ప్రావిడెంట్ ఫండ్, ఈఎస్ఐ హాస్పిటల్ నిర్మాణ కుంభకోణాలపై, సీబీఐ కేసులపై, కేసీఆర్‌తో పాటు లై డిటెక్టర్ పరీక్ష కోసం @KTRTRS సమయంతో పాటు స్థలాన్ని సూచించండి’ అని ట్వీట్ సారాంశం. ప్రస్తుతం ఈ ట్వీట్స్ నెట్టింట పెద్ద దుమారాన్నే రేపుతోన్నాయి. మరి ఈ సవాల్ పై కేటీఆర్ ఏ విధంగా స్పందిస్తాడో చూడాలి.