మిస్టరీ సాల్వ్ చేస్తున్న రెజీనా.. భయానకంగా ఫస్ట్ లుక్

దిశ, సినిమా : ట్యాలెంటెడ్ హీరోయిన్ రెజీనా కసాండ్రా నెక్స్ట్ ప్రాజెక్ట్ అప్‌డేట్ ఇచ్చింది. కార్తీక్ రాజు దర్శకత్వంలో వస్తున్న ‘నేనే నా?’ మూవీ నుంచి ఫస్ట్ లుక్ షేర్ చేసింది. ఈ సినిమాలో ఆర్కియాలజిస్ట్‌గా కనిపించబోతున్న రెజీనా.. ఈ చిత్రం తన కెరియర్‌లో మైల్‌స్టోన్‌గా నిలిచిపోతుందని తెలిపింది. థియేటర్స్‌లో రిలీజ్ కాబోతున్న సినిమా.. ప్రేక్షకులకు వింత అనుభూతిని ఇస్తుందని, సస్పెన్స్ థ్రిల్లర్‌గా వస్తున్న చిత్రంలో భయానక అంశాలతో పాటు కామెడీ కూడా ఆకట్టుకుంటుందని చెప్పింది. ప్రస్తుతం పోస్ట్ ప్రొడక్షన్ వర్క్ జరుగుతుండగా మూవీ ట్రైలర్‌ను త్వరలోనే రిలీజ్ చేస్తామని తెలిపింది మూవీ యూనిట్. కాగా ఇదే సినిమా తమిళ్‌లో ‘సూర్పనగై’గా రిలీజ్ కాబోతుండగా.. ఆపిల్ ట్రీ స్టూడియోస్ బ్యానర్‌పై రాజశేఖర్ వర్మ నిర్మించారు. అక్షర గౌడ, వెన్నెల కిశోర్ ప్రధానపాత్రల్లో కనిపించబోతున్న సినిమాకు సామ్ సీఎస్ సంగీతం సమకూరుస్తున్నారు.