రెడ్డి ల్యాబ్​ఉద్యోగి అదృశ్యం

దిశ, కూకట్‌పల్లి: బాచుపల్లిలోని రెడ్డి ల్యాబ్స్‌లో పని చేస్తున్న ఉద్యోగి అదృశ్యమైన సంఘటన కేపీహెచ్‌బీ పోలీస్​స్టేషన్​పరిధిలో చోటు చేసుకుంది. సీఐ లక్ష్మీనారాయణ తెలిపిన వివరాల ప్రకారం కేపీహెచ్‌బీ కాలనీ సర్దార్​ పటేల్​నగర్​కాలనీలో డి. మోహన్​రెడ్డి, చిలకలూరి చంద్రవతమ్మలు నివాసం ఉంటున్నారు. ఇదిలా ఉండగా మోహన్​రెడ్డి బాచుపల్లిలోని రెడ్డి ల్యాబ్స్‌లో మేనేజర్​గా పని చేస్తున్నాడు. కాగా మోహన్​రెడ్డి బాచుపల్లిలో గదిని అద్దెకు తీసుకుని నివాసం ఉంటు విధులకు హాజరు అవుతుంటాడు.

శని, ఆదివారాలలో సర్దార్ పటేల్​నగర్​లోని ఇంటికి వచ్చి వెళ్లే వాడు. ఇదిలా ఉండగా జులై 31వ తేదిన ఇంటికి వచ్చిన మోహన్​రెడ్డి ఇంటి అద్దె చెల్లించి ఆగస్టు 2వ తేదిన వెళ్లి పోయాడు. వెళ్లిన నాటి నుంచి మోహన్​ రెడ్డికి ఎన్ని సార్లు ఫోన్​ చేసిన స్విచ్ ఆఫ్ వస్తుండటంతో చంద్రవతమ్మ బాచుపల్లిలో వెళ్లి వాకబు చేసింది. ఫలితం లేకపోవడంతో సోమవారం కేపీహెచ్‌బీ పోలీసులకు ఫిర్యాదు చేసింది. చంద్రవతమ్మ ఇచ్చిన ఫిర్యాదు మేరకు కేసు నమోదు చేసుకున్న పోలీసులు మోహన్​ రెడ్డి కోసం గాలిస్తున్నారు.