విజయ్ దేవరకొండకు అందనంత ఎత్తులో రష్మిక

దిశ, సినిమా : కన్నడ బ్యూటీ రష్మిక మందాన రోజురోజుకీ తన పాపులారిటీ పెంచుకుంటోంది. విజయ్ దేవరకొండకు జంటగా నటించిన ‘గీతా గోవిందం, డియర్ కామ్రేడ్’ చిత్రాలతో హ్యూజ్ ఫ్యాన్ బేస్ సంపాదించుకున్న హీరోయిన్ నేషనల్ క్రష్‌గా పిలువబడుతూ నార్త్ ఆడియన్స్‌కు కూడా దగ్గరైంది. ప్రస్తుతం ‘మిషన్ మజ్ను’ మూవీతో బాలీవుడ్ డెబ్యూకు రెడీ అవుతున్న భామ.. మరో హిందీ చిత్రానికి కమిట్ అయిన విషయం తెలిసిందే.

‘గుడ్‌ బై’ పేరుతో తెరకెక్కనున్న ఈ సినిమాలో అమితాబ్‌తో కలిసే నటించే అవకాశం దక్కించుకున్న రష్మిక.. రీసెంట్‌గా ఇన్‌స్టాగ్రామ్‌లో 19 మిలియన్ ఫాలోవర్స్‌ను క్రాస్ చేసింది. ఈ క్రమంలో కోస్టార్స్ విజయ్ దేవరకొండ, సమంత అక్కినేనిని కూడా దాటేసింది. ప్రస్తుతం ఇన్‌స్టాలో విజయ్‌ 12.5, సమంత 17.5 మిలియన్ యూజర్లను కలిగి ఉండగా.. రష్మిక 19.2Mతో వీరి కంటే ముందుంది. ఈ మేరకు ఫ్యాన్స్‌ కురిపిస్తున్న ప్రేమకు కృతజ్ఞతలు తెలిపింది.