EMK కర్టన్ రైజ్.. చరణ్, రానాతో ఒక ఆట ఆడుకున్న ఎన్టీఆర్

దిశ, వెబ్‌డెస్క్: యంగ్ టైగర్ ఎన్టీఆర్.. హీరో, సింగర్, డాన్సర్, యాంకర్ ఇలా ఎందులోనైనా తన సత్తా చూపించగల ఏకైక వ్యక్తి. ఎన్టీఆర్ ఎక్కడ ఉంటె అక్కడ సందడే. తాజాగా తారక్ బుల్లితెరపై ఎవరు మీలో కోటీశ్వరుడు షోతో అలరిస్తున్న విషయం తెలిసిందే. ఆదివారం మొదలైన ఈ కార్యక్రమం మొదటి ఎపిసోడ్ ‘ఆర్ఆర్ఆర్’ స్పెషల్ గా సాగింది. మెగా పవర్ స్టార్ రామ్ చరణ్, తారక్ కాంబినేషన్ తో ఆ చానెల్ రేటింగ్ ఒక్కసారిగా ఆకాశాన్ని తాకాయి అంటే అతిశయోక్తి కాదు. ఇక చెర్రీ కి తారక్ చెమటలు పట్టించాడు. ఒక పక్క కిష్టమైన ప్రశ్నలు అడుగుతూనే మరోపక్క వారిద్దరి మధ్య ఉన్న స్నేహబంధాన్నీ చూపించారు. ఇక ఈ షోలో ఇద్దరు ఎన్నో విషయాలు గురించి చర్చించారు. చిరంజీవి మరియు పవన్ కళ్యాణ్ ల గురించి రామ్ చరణ్ మాట్లాడటంతో పాటు ‘ఆర్ఆర్ఆర్’ సినిమా కు సంబంధించిన విషయాలను షేర్ చేసుకుంటూ షో ను చాలా సరదాగా నడిపారు.

ఎంతో సరదాగా నడుస్తున్న ఈ కార్యక్రమానికి మధ్యలోనే టైమ్ అయిపోయిందని బ్రేక్ వేయడంతో అభిమానులు కొంత నిరాశపడ్డారు. అయితే అంతకుమించిన ఎంటైర్ టైన్మెంట్ ముందుంది అని చానెల్ నిర్వాహకులు తాజా ప్రోమో ద్వారా తెలిపారు. నిన్న జరిగిన ఎపిసోడ్ కి కంటిన్యూ గా ఈరోజు కూడా చెర్రీ – తారక్ ల ఫన్ ఎపిసోడ్ సాగనుంది. ఇక ఈరోజు ఎపిసోడ్ లో స్పెషల్ ఎట్రాక్షన్ గా టాలీవుడ్ హల్క్ రానా కనిపించాడు. ఇక చెర్రీ, రానాను ఇద్దరినీ తారక్ ఆడుకోవడం ప్రోమో లో చూపించారు. ఇక ప్రోమోలో చెర్రీ, తారక్ ఇద్దరు కలిసి దర్శకుడు రాజమౌళిపై సైటైర్లు వేశారు.

ఈరోజు గడ్డమేంటి పెద్దగా ఉంది.. జుట్టేంటి తక్కువగా ఉంది అని తారక్ అంటే.. చరణ్ సినిమా రెండు మూడేళ్లు తీస్తే మరి అవ్వదా జక్కన్న అంటూ కౌంటర్లు వేశారు. ఇక చివర్లో రానాను ఎన్టీఆర్ ఆట పట్టించారు.. వీడియో కాల్ లో కనిపించిన రానాను ఎన్టీఆర్ బావా ఎక్కడ అంటూ అనడం..1977 లో పుట్టవా బావా నువ్వు అని అడగడం నవ్వులు పూయిస్తుంది. ఈ ముగ్గురు స్టార్ హీరోలు దర్శకుడు రాజమౌళితో పనిచేసిన విషయం తెలిసిందే. ప్రస్తుతం ఈ ప్రోమో నెట్టింట వైరల్ గా మారింది. నిన్నటికి మించి ఫన్ రైడ్ ఈరోజు ఉందని ఈ ప్రోమో చూస్తేనే తెలుస్తోంది.